Shillong, Jylliew 04: Mynta ka sngi 04/Jylliew/2026 ka seng samla pule ka Khasi Student Union kila wah ia ki banner bad plakard naduh 6mer, Lad Lum Mawbah Umshyrpi, Civil, IGP, Polo, Mawlai bad Umiam bad ha kine ki plakard la thoh ia ka jingdawa ban pyntrei kam ia ka Inner Line Permit ha ka jylla Meghalaya.
Kine ki jingthoh haba iadei bad ka jingdawa ia ka ILP kam dei shuh kaba dang thymmai hynrei ka long ka jing pynkynmaw ba ka seng kala dawa la bun bun snem mynta ba wat ka iing dorbar ka jylla kala shim ia ka rai ban dawa na ka sorkar pdeng ban pyntrei kam ia ka ILP.
Ki dkhot jong ka seng da ka jingshlur mynsiem wat hapdeng ki jingpahara ki bor pulit kila tur sha khmat ban teh bad wah ia ki plakard kiba la thoh ba ka sorkar pdeng ka dei ban pyntrei kam noh ia ka ILP ha kane ka jylla ban teh lakam ia ka jingwan kyrthep ki mynder ri.
Nalor ka ILP ka KSU kala buh ha ki jingthoh ia ka jingiakajia pud hapdeng ka jylla Assam bad Meghalaya kaba la donkam ban pynbeit noh, ka jingpyrshah haba iadei bad u Uranium bad ka thung kam thung jam ha ka Hospital jong ka sorkar pdeng ha NEIGRIHMS na ka bynta ki nurse na kane ka jylla.
