Shillong, Naitung 14: Ki Nongialam ka FKJGP Upper Shillong Circle mynta ka sngi ka 14 tarik Naitung 2025 hapoh ka jingialam jong u Samla Hopewell Kharkongngor Asst.General Secretary ha ryngkat u Samla Bantei Nongkhlaw, President FKJGP Bañiun Unit, kila leit Khang kyrdep bad pynher krad lut ia baroh ki Nongtrei jong ka Post Office kaba don ha 7th Mile, Upper Shillong namar ka ka jing bym burom iaka sngi Beh Dieñkhlam kaba dei ka jinglehniam jong ka Jaitbynriew.
Ha kawei pat ka bynta ka FKJGP Shillong City hapoh ka jingialam jong u President FKJGP Shillong City u Samla Arkenfield Shadap ki la la leit ban khang khyrdep ia ka General Post Office (GPO) kaba don ha ka Nongbah Shillong.
Na ka liang ki Nongialam ka FKJGP Upper Shillong Circle bad kumjuh na ki Nongialam ka FKJGP Shillong City kila pynpaw ka jing bynñiaw halor katei ka bynta, bad ha kajuh ka por na ka liang jong ka seng ka phah ruh ia ka kyrwoh sha ki bor jong ka sorkar jylla bad sorkar pdeng ba ki dei ban pynmih da ka hukum ia baroh ki shnat treikam ba ki dei ban burom ia kino kino ki sngi kyrpang bad ki sngi khraw jong ka Jaitbynriew.
Ka Seng FKJGP ka la maham ruh ba kin sa leh da kaba tyngeh ia ki bym burom ia ka Lyngkhuh sngi iap jong u Khlawait jong ka Jaitbynriew u Tirot Sing ha kaba yn sa rakhe ha ka 17 tarik Naitung 2025.
