Shillong, Jylliew 10: Ka Ophis Syiem ka Hima Sohra hynne ka sngi ryngkat bad ki bor pyniaid shnong, ki la pynlong ia ka jingiaid rally kum ka dak ban pynrem halor ka jingshah kynthoh ka shnong Sohra kum ka jaka ba bun ki kam sniew.
Ha kane ka sngi ba iaid rally la sdang na ka ophis jong ka Hima Sohra bad la iaid lyngba ka ïew Sohra bad la pynkut ha ïing dorbar Saitsohpen.
Kiba iashim bynta ha kane ka peace rally ki kynthup naduh u MLA ka Sohra Konstituensi u Bah Gavin Myllem, u MDC ka Sohra ka Konstituensi u Bah Titos W Chyne, u Syiem ka Hima Sohra u Freeman Sing Syiem, U SDO ka Sohra Civil Sub Division u Mark A Challam, ki myntri ka Hima Sohra, ki nongpyniaid shnong, bad ki paidbah nongshong shnong ka Sohra.
Haba kren ha kane ka sngi na ka liang U MLA ka Sohra u Bah Gavin Mylliem u la ong ki khubor ha ki taiew ba ladep ka la pyndum ia ki paidbah.u la ong kane ka peace rally ka long ka jingsneng ia baroh ki paidbah bad ka jingshngain ym tang ia nongwanjngohkai hynrei ia ki paidbah ka thain sohra.
U ai khublei ia ka tnad pulit hapoh ka jingialam jong ka DGP, SP bad ki pulit ka tnad Sohra kiba la trei shitom ha ban lap ia ka jingshisha baroh halor kane ka jingjia ha Sohra.
U la kyntu ia ki trai homestay kidei ban iatreilang ba ka dorbar shnong bad ka sorkar jylla lyngba ka tnad kam jngohkai.
U la pynpaw ka khubor sngewlem sha ki bahaing bahasem halor ka jingkhlad noh u Raja Raghuvanshi.
u MDC haba ai jingkren ha kane ka sngi u la pynpaw Kumba 17 sngi ka la iaid beit tang ki khana Sonam bad Raja, Ym don khana shuh da kumwei.
Kane kadei ka jingjia kaba sngewsih bad kaba pynkyndit bynriew ia ki paidbah ka thain baroh kawei ka jylla.
U la ai jingairoh ia ka kynhun pulit , ki local guide, ki taxi associations bad ki dorbarshnong bad kiwei kiba la ai ka jingiatreilang.
Ula ong ba un iakren bad ka sorkar ba kidei ban don ia ka system ban tip ia ka rung ka mih ki tourist ban long kum ka lad jingiada.
khatduh u la ong ban pynthikna ba nangne shakhmat ngin don ia ka jingkitkhlieh na bynta ki paidbah bad ngin nang pynthymmai ia kam jngoh kai pyrthei ha ka thain sohra.
U SDO Civil Sub Division haba ia jingkren ha kane ka sngi u la ong ha kine ki taiew ba ladep ka la ktah ia ka jingmut jingpyrkhat ki nong Sohra.
U la ong Kane ka sngi kan weng noh ia ki jingartatien ka jingmut sniew jong ki, hadien ba la mih jingshisha.
Na ka liang ki bor pyniaid, kin sa shim ia ki sienjam ban pyntikna ba ka shnong ka Shngain ia ki nongwan jnohkai bad ia ki nongshong shnong.
Ha kane ka sngi ka la don ruh ka jingthang mombati kum ka dak ban sngewlem na ka bynta ka jingkhlad noh u Raja Raghuvanshi ha kaba naduh u MLA, MDC , Syiem Hima Sohra, ki myntri, ki nongpyniaid Shnong ki paidbah ki la shim bynta ban sngewlem ia ka jingkhlad noh u Raja Raghuvanshi u nongwan jngohkai na Indorea Madhya Pradesh.
