Shillong, Naiwieng 12: Ki dkhot jong ka Joint Action Committee hadien ba kila pyndep ia ka jingiaid paidbah katkum ka jingbit kaba la ai ia ki ar kynta kila leit tur biang ha khyrdop ka Secretariat ban ia pyrta bad ban ialum briew ha katei ka jaka khlem da ioh kano kano ka jingbit.
Haba iohi ia kane ka jingialum briew na ka liang ki bor ka District Administration kila pynbna ba katkum ka kyndon kaba hynniew kaba la ai jingbit ba kim dei ban sangeh ha kano kano ka bynta sawdong jong ka Secretariat ha ka por ba ki iaid ne ba kin shong ha kano kano ka bynta ha kane ka jingiaid paidbah.
Ka Magistrate kala pynbna da kaba shai ba ka kong Deborah Marbaniang kaba pan ia ka jingbit kala soi ia kane ka jingai jingbit kumta la bthah ia baroh kiba iadon ha katei ka jaka ha khmat Secretariat ba kin iamih noh na katei ka jaka kaba ki ialum lymbrum.
Namar ka jingialum briew ka dang iai bteng wat hapdeng ba la pynbna na ka liang ki bor ka District Administration kala pynkit noh ia ki da ki bus na katei ka jaka bad leit buh biang ia ki ha khmat dur Mot u who Kiang Nangbah.
