Shillong, Naiwieng 12: Ka Joint Action Committee mynta ka sngi 12/Naiwieng/2026 kala pynlong ia ka jingiaid sawdong ia ka Secretariat ban pyrshah ia ka jingshna ia ka Ropeway ha u Lum Shyllong ha kaba bun ki long kmie bad ki rangbah kila ia shim bynta lang.
Kane ka jingiaid paidbah ka long na khmat dur mot u woh Kiang Nangbah sha Secretariat bad phai biang sha ka jaka ba ki sdang ha kane ka jingiaid paidbah ki long kmie na ki bynta bapher bapher ka sor Shillong kila wan ban ia shim bynta lang.
Haba kren ha ki lat pathai khubor ka nongaibuit ka seng kynthei ka Jaiaw Langsning kala ong ba ki sngewkhia bha ia u Lum Shyllong namar um dei tang jong ki nong Laban hynrei u dei ruh jong ka ri khasi baroh kawei.
Kane ka jingwan jong ki ka long ba ki sngewkhia namar u ta u Lum Shyllong naduh ba ki dang ia khynnah rit kila ia poi sha u tei u lum bad katno ka jingitynnad ia u tei u lum ban ong ban shu pynjot noh ia u ka long kaba ym sngewiahap.
Ki longshuwa kila niewkor ia u Lum Shyllong bad mynta ki longdien ruh dei ban burom ia u kum ki longdien mandien ba u ne u lum u don ban pynitynnad ia kane ka jaka.
U bah Dapbor u rangbah shnong jong kawei na ki shnong ba don ha lum Shyllong u la ong ba ki ia treilang bad ka tnad Soil Department jong ka sorkar jylla ki thung dieng bad la kyrpad ia ka sorkar ba ia kane ka Ropeway dei ban rah noh shawei namar ia ki khlaw ki ia sumar lang ryngkat bad ka sorkar.
