Shillong, Iaiong 24: Hadien ka jingioh jing ujor naki paidbah nongleit nongwan kiba pyndon kam iaka Surok National Highway-6 kaba don ka khyrdop ka GST ha Umling kaba la don ka jingthut haka leit ka wan bad kala don ruh ka jingia tyngkhuh kali namar ba ka khyrdop ka pynieng iaki trok haki surok bah.
Mynta ka sngi ka 24/Iaiong/2026 naka liang ka seng FKJGP North Khasi Hill District Unit haka jingialam jong u Samla Ricky Majaw u ba dei u General Secretary ka NKHD bad kiwei ki dkhot ka seng kila leit ban ia kynduh iaka ADC ka Ri Bhoi District ka Kong Balakyntiew Ranee ban pynsngew halor katei ka mat ba don ka GST Check Gate ha Umling bad haka juh ka por kila ai ruh daka Dorkhas sha ka ADC.
Haba kren ha ki lat pathai khubor hadien bala dep ban wan kynduh iaka ADC naka liang u samla Ricky Majaw u la pynpaw ka jingsngewkhia hadien ka jingioh ka jingujor naki paidbah baka don katei ka khyrdop GST ha Umling namar ka tei ka kala pynieng ia ki trok ha surok bah NH-6.
La iathuh ba dang khyndiat taiew mynta la don ka jing ia tyngkhuh kali bad u la kyntu ruh iaka District Administration ba kin weng noh ia katei ka khyrdop jong ka GST kaba don ha Umling ba kin buh noh ha kiwei ki jaka kaba kham kylluid ka leit ka wan jong ki paidbah.
Ha kane ka jingiakynduh na ka liang ka ADC jong ka Ri Bhoi District kala kular ba kan sah shim khia halor katei ka mat ba naka liang ka Administration ruh kala ju ioh ka khubor ba don ki jing jia ia tyngkhuh kali hakatei ka ja ka.
