Shillong, Iaiong, 24: Ka District Magistrate ka East Khasi Hills District ka kong H.M.L Kynta kala pynjari ia ka kyndon 163 BNSS ban khang ia ka jingtih shyiap ha sawdong ka Wahniangleng ha Mylliem na lum bad ban khlong shyiap na wah.
Ha ka jingpynbna mynta ka sngi ka District Magistrate ka la ong ba ka ophis kala ioh ia ka jingtip ba ki don kiba tih shyiang beain na ki lum bad ka jingkhlong shyiap beain na ki wah khlem da ioh ia ka jingbit na ki bor jong ka ain.
Katkum ka hukum kaba la ioh na ka National Green Tribunal kala kren shai ba la khang pyrshah ban khlong shyniap na ki wah ha ka ri baroh kawei lada khlem ioh ia ka jingbit na ki bor jong ka ain.
Ka jingkhlong shyiap na wah ka wanrah ia ka jingjulor ha ka wah ha kaba ki maw ki tuid bad ka jingtih shyiap na ki lum ka wanrah ia ka jingiap jong ki jingthaw kiba im kiba don ha ki wah bad ka pynjaboh ia ki tyllong umdih.
Ka District Magistrate ka la ong ba katkum ka bor kaba la pynkham ti ha ka katkum ka kyndon 163 BNSS ban iada ia ka mariang kumta la khang pyrshah ba tih shyiap beain na ki lum bad khlong na ki wah lada don kiba la ioh jingbit ki hap ban ai jingtip ia ka syrnot.
Lada don kiba pynkhein ia kine ki kyndon yn pynshitom katkum ka ain kane ka hkum kaba la pynmih kan trei kam ha baroh kawei ka East Khasi Hills District na duh ba pynmih ia kane ka hukum.
