Shillong, Iaiong 24: Ka Deen Dayal Upadhyay Community and Skill Development Centre, Wahiajer kaba dei ka College kaba don bynta ha ka North-Eastern Hill University (NEHU) ka la pynlong da kaba jop ïa ka prokram pynroi bor na ka bynta ki nongrep jong ka Laskein Block, West Jaiñtia Hills District (WJHD) kaba la ai kyrteng “Skill Enhancement for Horticultural Development and Sustainability for Farmers of NEH Region” ha ka jingiatreilang bad ka ICAR-IIHR, Bengaluru.
Ha kane ka prokram, ki nongïashim bynta jong ka jaidbynriew nongrep ki la wan ban ïashim bynta haduh 250 ngut. Ia ka jingialang ba iadei bad ka jingstad la pyniaid da u riew shemphang ha ka liang ka jingstad viz. Ka kong Smti Risakaru Lyngdoh, kaba dei ka riew shemphang ha ka liang ka rep ka riang, KVK Waiajer, WJHD.
Ka jingïalang halor ka jingstad ka la ïohi ïa ka jingïakren kaba itynnad hapdeng ki nongïashim bynta bad u nongïarap kaba la ïalam sha ka jingïasam ïa ki jingshemphang bad ki jingtip kiba kordor halor ka jingpynkiew ïa ki sap ba thymmai kiba ïadei bad ki jait buit rep bapher bapher da kaba pynleit jingmut ha ki mar ban kyntiew ïa ka koit ka khiah bad ka jingbha jingmiat khamtam hapdeng ki samla bad ki kynthei.
Ha kane ka Valedictory Function da donlang u Shri Nujorki Sungoh u dkhot ka Ïingdorbar Thawaiñ (MLA), 4-Mowkaiaw Constituency, West Jaiñtia Hills District uwa da pynkup burom ya kani ka prokram kam u Kongsan heiwa da emlang u Shri Wormanship Shadap, MDC ka 14-Mowkaiaw Constituency, Prof. S. Umdor, Pro-Vice Chancellor, NEHU, Shillong, u Prof. H. Lamin, Principal I/c barim ka DDUCC, U Shri Hunbait Chyrmang, Executive Engineer, MePDCL, WJHD, U Shri Shaniah Lamare, Rangbah Shnong, Mowkaiaw, bad U Dr. F.R.Sumer, Principal I/c, DDUCC.
Kiwei pat kiba la ïadon lang ki long u Shri A. Shadap, u MDC ka Bareto Mukroh, Shri Lovely Shylla, ki ophisar bad ki nongtrei jong ki tnad sorkar, ki Dkhot ka Shnong Wahajer, Shnong Mowkaiaw, ka Smti Risakaru Lyngdoh kiwei kiwei ki riew rangbah, ki nongshah khot sngewbha bad ki nongtrei jong ka DDUCC.
U Nujorki Sungoh, Dkhot ka Ing Dorbar Thawaiñ (MLA), 4-Mowkaiaw Konstitwensi, West Jaiñtia Hills District u la pynpaw ïa ka jingkmen kaba khraw namar ba u la shah khot sngewbha ban long shi bynta jong ka prokram kaba kongsan. U la ai khublei ia ka NEHU-DDUCC na ka bynta ki jingpyrshang ba la leh lyngba ki prokram ai jinghikai bapher bapher kiba la pynshong nongrim ha ka jingtbit kiba la iahap bad ki samla bad ki kynthei jong ka imlang sahlang.
U la pynkynmaw ia ki nongrep ia ka jingdonkam jong ki bynta jong ki ha ka imlang sahlang bad kyntu ia ki ban pyndonkam ia ka jingnang jingstad bad ki lad ki lynti ba ki la ioh lyngba ka prokram ai jinghikai khnang ban pynkupbor ia lade bad ia ka iing ka sem jong ki ban iakynduh ia ka jingeh bad ban pynkylla sha ki nongseng kam seng jam na ka bynta ka jingim ba neh jong ki bad ban weng ia ki kam ba la ai na ka bynta ka jingmyntoi jong ka imlang sahlang.
U la ai khublei ïa ka bynta ba radbah jong ka NEHU-DDUCC ban pynlong ïa kum kane ka prokram pynjlan por na ka bynta ki nongrep jong ka Laskein Block bad u la pynthikna ïa ka jingkyrshan jong u na ka bynta ka jingroi bad jingkiew jong ki jingpyrshang jong ka ha ki por ban wan.
Ha ka jingkren jong u, u Prof. S. Umdor, u la ban jur ia ka jingdonkam jong ka kam rep bad ka bynta kaba kongsan kaba ki don ha ka imlang sahlang. U pynkynmaw ia ki nongiashim bynta ba ka lawei ka don ha ki kti jong ki bad kyntu ia ki ban pyndonkam ia ki marpoh khyndew kiba la ioh ban kyntiew ia ka jingtbit ha ka rep ka riang katba ki dang wad ia ki skhim bad subsidy bapher bapher jong ka sorkar khnang ban kyntiew ia ki kam rep jong ki bad ban noh synniang sha ka roi ka par.
Haba ai khublei ïa ki nongrep, u la pynthikna ïa ka jingkyrshan baroh lyngba ka NEHU-DDUCC bad khmih lynti ïa ka jingïatreilang kaba kham bun bad ka ICAR-IIHR bad kiwei kiwei ki tnad/tnad sorkar na ka bynta ka jingmyntoi jong ka imlang sahlang nongrep ha ka jingïalang. Kane ka prokram ka dei ka jingtreilang jong ka DDUCC bad ka ICAR-IIHR, Bengaluru na ka bynta ka jingmyntoi jong ki nongrep jong ka thaiñ NEH bad ka Laskein Block khamtam eh.
Katba u Shaniah Lamare u la ai ïa ka jingkren pdiang burom, u Dr. F.R.Sumer, u la ïasam ïa ka thong bad ki jingthmu jong kane ka prokram pynroi jong ka NEHU-DDUCC, Wahiajer. Kiwei kiba la ai jingkren ki long u Shri Wormanship Shadap, MDC bad u Prof.(Retd.) H. Lamin.
Ka jingsam ia ki mar rep, symbai sha ki 250 ngut ki nongrep bad nongshim bynta kiba kham bun ki dei ki kynthei nongrep ka la pynkut ia kane ka jinglehkmen. U Shri Wolnish Rymbai, Programme Coordinator, bad u Nongïalam jong ka jingïalang haba tyrwa ïa ka vote ai khublei u la pynpaw ïa ka jingsngewnguh kaba khraw ïa baroh kiba la don lang ha kane ka prokram kaba bhabriew.
U la ai khublei kyrpang ïa u Dr. Tusar Kanti Behara, u Director jong ka ICAR-IIHR, Bengaluru bad u Dr. U la bynrap ruh ba kine ki prokram ki long kiba kordor haduh katta katta da ki dkhot jong ka imlang sahlang khamtam ki nongrep baieid kiba la wan sha katei ka prokram ai jinghikai ba la pynlong da ka DDUCC na ka por sha ka por .
