Shillong, Iaiong 24: Ki pulit jong ka Jowai kila iathuh ba mynta ka sngi kila ioh ban kuru pia ka Scotty ML05-W-6877 kaba la shah tuh na jan Civil Hospital Jowai bad ia ka kali kaba la shah tuh na Nongmensong kaba don ia u number ML05-AF-5040 kila ioh ban kurup na Pdengshakap West Jaintia Hills District.
Ki pulit kila iathuh ba kila ioh ia ka jingujor na u bah Wanphida O Laloo ha ka 23/4/2026 ba ka Scotty jong u kaba la pynieng ha jan Civil Hospital Jowai kala shah tuh bad namar ioh ia kane ka jingtip ki pulit kila pynlong ia ka jingthohkit.
Da kaba peit na ka CCTV ki pulit kila ioh ban kem ia ki briew bad ha ka jingphla wei khynnah la ong ba ia ka Scotty la rah sha Pdengshakap bad ki pulit kila leit sha katei ka jaka bad kila ioh ban kurup ia ka Scotty.
Ki pulit na ka phone 112 kila ioh ia ka jingujor na u bah Basatanroy Mawthoh na Nongmensong ba ka bike Yamaha jong u kala shah tuh bad na ka liang jong ki pulit kila pynlong ia ka jingtohkit bad ha kane ka jingtohkit ia kane ka bike ruhla ioh ban kurup na katei ka juh ka jaka ia ki la wanrah sha Jowai ban leh ia kaba don kam.
Na ka liang jong ki pulit kila kyntu ia ki paidbah haba ki buh ia ki kali jong ki ba kin da husiar ban lait na ka jingshah tuh ha ki rumar kiba peit kliaw kumno ban ioh tuh.
