Shillong, Iaiong 24: Mynta ka sngi ki bor jong ka District Administration ha South West Garo Hills District ha ka jingiatrei lang bad ka District Disaster Management Authority ryngkat bad ka Civil Defence bad Home Gaurds ia ka jingialeh mynleh kumba shah hiar thma bad kane jingleh kala long kum ka jingpynkhreh hapoh ka District haba kum kata ka jingwanhiar thma ka wan jia hapoh ka District.
Kane ka jinghikai kala long ha ka por 3 baje hapoh lai tylli ki jaka kata ha Chengkom Medik Secondary School Ampati, ha iew Ampati bad hapoh ka skul Mother’s Union Secondary School Ampati kane ka jingialeh ka long kum ka jingpynkhreh lada ki wan jia ka don ka jingiatrei lang na ka liang ka tnad ka koit ka khiah bad na ka tnad Civil Defence.
Ia kane ka jinghikai la leh ha baroh ki nongbah jong ka district ha ka jylla Meghalaya baroh kawei bad ha kane ka nongbah Shillong la pyn long ha St. Edmund’s, Poinisuk Hotel ,St.Anthony’s School kiba dei ki jaka paidbah bad ha ka jaka shipai la pynlong ha 101 bad ha ka por 7 baje mynmiet kala don ka jing pynlip light ban hikai ia ki paidbah ba lada don kum kata ka jingshah hiar thma ba kin sngewthuh haba la pynpah ia ka Siren.
