Shillong, 26, Risaw: U Deputy Commissioner (Supply), East Khasi Hills u la pyntip sha baroh kiba shim LPG kiba hap hapoh ka District bad la donkam da u shonshap Biometric Aadhaar Authentication (BAA) iaki nongpyndonkam LPG iing sem ban ioh ki jingiarap pisa ha ka dor ba la buh, naduh ka 1 tarik Risaw, 2026.
Katba kito kiba la pyndep iaka BAA kim donkam shuh ia une u shonshap. Kito kiba dang khlem pat pyndep iaka jingpynshisha ki dei ban pyndep khnang ban ioh pat iaka gas LPG ha ka dor ba la buh bad ka jingiarap kaba dei hok.
Iaka jingpynshisha lah ban pyndep da kiba wanrah gas ha iing ha ka por ba pynpoi iaka gas LPG da kaba pyndonkam da ka mobile application jong katei ka Oil Marketing Company (OMC) lane da kaba leit sha u nongpyllait gas.
Katba iaka jingpynshisha, lah ban pyndep lyngba ka OMC mobile applications – IndianOil ONE na ka bynta kiba shim gas na Indane, HelloBPCL na ka bynta kiba shim gas na Bharat gas bad HP PAY na ka bynta ki nongshim gas na HP Gas.
Kito ki bym treh ban pyndep ia u BAA ki lah ban rejistar lyngba ki channe digital jong ka OMC na ka bynta ban ioh gas ha ka dor ba la buh, khlem kano kano ka subsidy ha ki 5 kilo lane kilo ki tyndong lyer gas, katkum ka jingioh. Iaki nongshim LPG ki bym pat pyndep ia u BAA kin nym ioh gas bad kin sa ioh tad ynda kila pyndep ia u BAA.
