Shillong, Risaw 26: Mynta ka sngi 26/Risaw/2026 ki nongialam ka seng Khasi Student’s Union kila ia kynduh ia u myntri rangbha ka jylla u Conrad K.Sangma ban iakren ha kaba iadei bad ki jingdawa kiba ka seng kala buh ha khmat ka sorkar naduh ki por kiba la dep.
Haba kren ha ki lat pathai khubor hadien ka jingiakren bad u myntri rangbah ha ka jingiadon lang ki ophisar u President ka KSU u samla Raymond Kharjana u la ong ba ka jingwan iakren bad ka sorkar ka long halor ki san tylli ki mat kiba ka seng kala buh ha khmat ka sorkar.
U la ong ba kane ka long kum shi bynta ban bud dien ia kito ki mat namar ki don ki mat jingiakren kiba la sdang wandur bad ki don kiwei ki mat ki ba ki dang hap ban iakren bad bud dien kane ka long shi bynta ban bud dien ia ki san tylli ki mat kiba kila buh.
Ha kane ka jingiakren kaba mynta ka sngi kiba ha khmat eh ki long ha kaba iadei bad ka MRSSA bad kaba iadei bad ki kam ha NEIGRIHMS bad ki sngewthuh ba la shai kan don ka jingialang jong ka kynhun kaba dei peit ia ka NEIGRIHMS ia kaei kila iakren mynta la shi snem tam bad kane ka jingialang kan long lashai ka sngi ba kin shim ia ka rai.
Ha kane ka jingialang na ka liang u myntri rangbah ka jylla u Conrad K. Sangma u la pynsngew sha ki nongialam ka KSU ba ha kine ki sngi un sa ia kynduh ia u myntri ka koit ka khiah ka sorkar pdeng ban pynsngew ia kine ki kynrum kynram ka NEIGRIHMS, lada sngewthuh ba kam poi shano shano ka seng kam banse ban shim pat da kiwei ki sien jam.
