Shillong, Naiwieng 10: Mynta ka sngi 10/Naiwieng/2026 ka Hills State People Democratic Party kala pynlong ia ka General Council ban jied ia ki nongkitkam ba thymmai na ka bynta ka samoi treikam ha ki lai snem ki ban sa wan.
Ha kane ka jingialang ka Party kala jied biang ia u bah Plasting K.Panniang kum u resident, u bah Shangkliar Roy Warjri MLA kum u Working President, U bah Methadious Dkhar kum u Chief Organiser, u bah Sraly Rashir MDC kum u Vice- President,u bah Waiting Mawsor Ex MLA kum u Treasurer bah Panborlang Ryntathiang kum u General Secretary u bah Nolip Lyngdoh bad u bah Starfing Pdahkasiej kum ki Joint Secretary.
Ha kane ka jingialang ka Party kala iakren ban rakhe ia ka jingdap 60 snem ka party ka ban sa long ha ka 10/Naiwieng/2027 dei ha kum kane ka sngi ba la sengi a ka party HSPDP da u nongialam u bah Hopingstone Lyngdoh bam kwai ha dwar u blei, ban pynsahnam ka party kan sa pynieng ia u dur mot ba shi rynieng jong u bah Hoping ha ophis ka party.
U President ka seng haba kren ha ki lat pathai khubor u la ong ba kum ka party kala ia kynduh ia shibun ki jingeh hynrei wat hapdeng kine ki jingeh kam shym la ran dien na ki nongrim kumba la seng ia ka bad na ka liang ka party kan dang iai trei shitom ban pynkhlain shuh shuh ha ki sngi bad ki snem ki ban nang wan.
