Shillong, Naiwieng 10: Mynta ka sngi ka 10/Naiwieng/2026 ka Khasi Student Union Seng kmie bad ki bor sorkar na ka District Administration ka Ri Bhoi District kila leit ban jurip biang ia ka Facilitation Centre kaba don ha Umling Ri Bhoi District.
Ha kane ka jingleit ban jurip la don lang u na ka tnad jngohkai pyrthei, ka tnad kamkit kambah bad kiwei kiwei ki heh sorkar na ka Ri Bhoi District bad na ka liang jong ka KSU la don ki nongialam na ka seng kmei.
Ha kane ka jingjurip naka liang ka KSU Seng kmie la ialam da u President u Samla Reymond Kharjana u Vice President u Samla Pynkmenlang Sanmit u General Secretary u Samla Rebeun Najiar u President ka KSU NKHD Unit u Samla Ferdynald Kharkamni u President ka KSU NKHD Unit bad naka liang ka bor district la lamkhmat da u BDO ka Umling C&RD Block u Bah Erick Dkhar.
Na ka tnad jngohkai pyrthei ha kane ka jingjurip kala sei da ka map ban pyni sha ki nongialam ka KSU ia ka khyrdop ban talasi ia ki mynder kiba wan ban rung ha kane ka jylla Meghalaya.
Haba kren ha ki lat pathai khubor u President ka seng u samla Reymond Kharjana u la ong ba kum ka seng ka wan hangne ka mut ba ka dei ka sien kaba khatduh ban wan jurip ha kane ka Facilitation Centre hynrei ka kylla pynban da khongpong namar ka sorkar jylla dang ha kine ki khyndiat bnai naka liang u Chief Minister u la ai ka jingkular sha ka Seng ban ioh iakata ka Christmas Gift halor ka Infiltration Check Gate hynrei kala kylla pynban da khongpong.
Bad shuh shuh u la ong ka jaka ban tei iaka Facilitation Center ka rit bha hynrei kiwei kiwei ki bynta ki bym don bynta bad ka MRSSA 2016 pat ki heh bha ban iaka jaka jong ka Facilitation Centre bad u la Ong ruh naka liang ka Seng kan sah shong biang iaka jingialang ryngkat bad ki dkhot ban shim dakiwei pat ki sienjam kiba kham tyngeh khnang ba ka sorkar kan pyntreikam noh iaka MRSSA hapoh ka jylla Meghalaya baroh kawei bad la kynnoh ba ka sorkar kala pynkylla jingialehkai ia ka MRSSA Act 2016.
