Shillong, Jymmang 16: Mynta ka sngi u myntri rangbah ka jylla u la pynlong ia ka jingialang bad ka DREAMS ban ia kren halor ki kam ban ia khun pyrshah ia u drok ha kane ka jylla Meghalaya.
Ha kane ka jingialang la ai jingkhein ba ha ka jylla ki don 14 tylli ki jaka ai jingsumar ia kiba la ngop ha ka jingkyrni ha ki jingdih kiba sniew, na kine ki jaka ai jingsumar khyndai tylli dei jong ka sorkar bad jumriew tylli dei jong ki riew shimet bad ha kine ki jaka sumar ki don tangh 302 tylli ki jaka thiah.
La ai jingkhein ruh ba naduh u snem 2023 haduh mynta u snem 2026 bnai Jymmang ka jingioh kem ia kiba khaii drok ki long 738 ngut bad ki mukotduma kiba la register pyrshah ia ki ki long 415 tylli ha ka jylla baroh kawei.
Ka jingioh kurup ia ki jingdih ba sniew kum u drok bad kiwei kiwei, u Heroin 30 kilo, Ganja 7325.97 kilo, Yaba Tablets 22 kilo, Crystal Tablets 24.377 kilo, kiwei ki jingdih buaid ki long 14.4 kilo, ka dawai Codeine Cough Syrups ki long 96,231 tylli ki bilor bad ka dor kala kot sha ka T.135.11 klur tyngka.
Ha kane ka jingialang la don ki heh sorkar, ki heh na ka DREAMS bad kiwei kiwei ki ba dei ha kane ka kam ia khun pyrshah ia u drok, ha kane ka jingialang la ia kren ba kumno ban ia khun tyngeh ban khang ia u dork bad ban pynduh jait ha kane ka jylla.
