Shillong, Jymmang 31: Mynta ka sngi ka pyrthei baroh kawei ka rakhe ia ka sngi ban ia leh pyrshah ia ka jingpyndon kam ia u duma, ha kane ka sngi ka jylla Meghalaya ruh kala ia snoh kti lang ba ialeh pyrshah ia kane ka jingpyndon kam ia u duma.
Katkum ka jingkhien kaba la ai da ki doctor mynta ka sngi ba ka jingpyn don kam ia u duma ha ka sla pyrthei baroh kawei ka long 1.3 billion ngut bad man ka saw sekon u wei u briew u duh noh ia la ka jingim na ka jingypndon kam ia u duma.
Ka World Health organization kala buh ia kane ka sngi 31st Jymmang jong man la u snem kum ka sngi ban rakhe ia ka jingialeh pyrshah ia kane ka jingdih duma bad ka tnad ka koit ka khiah jong ka sorkar India bad jong ka sorkar jylla ki juh rakhe ia kane ka sngi man la u snem.
Ka phang pdeng jong u mynta u snem kaba la buh ban rakhe ia kane ka sngi ialeh pyrshah ia ka jingpyndon kam kam ia u duna ka long “Ka jingiada ia ki Samla na ki jingkhring ki karkhana pynmih duma bad ban pynkiar ia ki na ka jingpyndon kam ia u duma”.
Ka daw ba la buh ia katei ka phang ha kane ka snem ban ia leh pyrshah ia ka jingduh duma ka long ba 1.3 billion ngut ki briew ha ka pyrthei kila shah ktah ha u duma, ha man ka saw sekon ka don ka jigniap briew na ka daw jong u duma, kiba pyndon kam ia u duma ki long 9 million ngut, kiba dih bad bam ia u duma ki long 8 million ngut bad 1 million ngut kiba shah ktah na ka jingdih jong kiwei.
Ka jingiada na kane ka jingpyndon kam ia u duma ka long kaba eh khamtam ha ki ri kiba bun paid, ki don kiba dih bad ki don kiba bam ia u duna bad kiwei ruh ki shah ktah lang. Kiba pyndon kam ia u duma ki long naduh ka por ba ki dang samla bad kane ka neh haduh ba kin da la he la san.
Ki briew ki sdang ban pyndon kam ia u duma naduh ka rta kaba 9 haduh 10 ngut ki pyndon kam ia u duma ha ka rta kaba 18 snem, 98 haduh 100 ki pyndon kam ia u duma haba kila kynjoh ha ka rta kaba 26 snem bad kiba la heh la san ki long tang 3 lane 4 bad kane ka jingpyndon kam ia u duma kala wanrah ia ka jingkyrni ha ka kane ka jingbam lane ka jingdih.
Ha Ri India ka jingpyndon kam ia u duma ka long hapdeng ka rta 13 bad 15 snem , ki shynrang ki long 19% bad ki kynthei ki long 8.3% bad baroh ki long 14.6%. Kiba dih duma ki shynrang ki long 11.2% ki kynthei ki long 3.7% badoh ki long 8.1%, ka jingbam ia u duma ki shynrang ki long 11.1%, ki kynthei ki long 6% baroh ka long 9%.
Ka jingpyndon kam ia u duma kiba la palat ia ka 18 snem ha India ka long Shynrang 42.4% ki kynthei 14.2% baroh ka long 28.6%, kiba dih sikret ki long, ki shynrang 19% ki kynthei ki long 2% baroh ki long 10.7%, kiba bam duma shyrnang ki long 29.6% ki kynthei ki long 12.2% baroh ki long 21.6%.
Ka jingpyndon kam ia u duma ha kane ka jylla Meghalaya ka long 47%, ki shynrang ki long 59.8% bad ki kynthei ki long 34.2%. ka jylla Meghalaya ka wan ba ar ha ka jingpyndon kam ia u duma ha Norh East bad kaba nyngkong dei ka jylla Mizoram, haba shim ha ka Ri India ka long kaba 15 ha ka jingpyndon kam ia u duma.
Ki Karkhana pynmih duma ki thwet ban khring ia ki khun samla sha ka jingpyndon kam duma namar ki kwah ioh nong pyndon kam thymmai khlem pyrkhat ia ka bha ka miat jong ki breiw. Ban khring ia ki samla ki pynmih ia ki sikret kiba don ka jingsma iewbih kaba ha rukom.
Na ka liang jong ka tnad ka koit ka khiah ka kyntu ia samla ban kiar na kane ka jingdih duma, don kam ia ka jingiatreilang hapdeng ki dorbar shnong ban lait na ka jingpyndon kam ia u duma ha ka jylla. Ki doctor kiba la ia don lang ha kane ka sngi ban pynsngewthuh ia ka jingma na ka jingpyndon kam ia u duma ki long u Dr Star Pala from NEIGRIHMS, Dr A Mawlong, Oncologist Civil Hospital Shillong bad Dr E Lyngskor from Revised National Tuberculosis Control Program, Meghalaya.
