Shillong, Jymmang 11: U bah Beland Nongbri u la ong ba ha ka jingkren jong u ha ka jingialang haba iadei bad ka Greater Sohiong Water Supply Scheme ha kaba la ia don lang u lyngdoh ka Raid Nongkseh Sohiong ryngkat ki dkhot jong ka Executive Committee, ki rangbah shnong ka Raid Nongkseh Sohiong ban ia kren shaphang ka um bam um dih ha WahNongkseh ban shna ia ka top um ha Lait Nongkseh.
U bah Nongbri u la ong ba ha kane ka jingialang la ia kren bun ngut ki riew rangbah bad don katto katne ngut kiba pynmih ia ka kyrteng ka HYC Circle bad don ruh kiba khlem pynmih ia ka kyrteng ha kane ka jingiakren hynrei ha ka jingkren ka jong u naduh ba u sdang haduh ban da kut kam shym don ka jingpynpaw kyrteng ia ka seng HYC.
U bah Nongbri ha ka jingkren ka jong u u la ong ba u pyrshah bad sngewlyngngoh ia ki katto katne ki samla kiba pyrshah ia kane ka skhim Thup Thup bad ia ka surok ka ban leit sha ka Dam um Thup Thup, u la ong ba ka jingkren jong u ka thew ia ki katto katne ki samla jong ka Raid Nongkseh kiba pyrshah ia kane ka skhim.
U tei u rangbah u la kren shai ba ka jingkdew jong u kam dei ia ka seng HYC kumta kim dei ban sngewthuh bakla namar ha ka jingkren jong u,u khlem pynpaw ia kata ka kyrteng ka seng HYC Sohiong Circle ia kane u la kren ha ki lat pathai khubor mynta ka sngi 11/Jymmang/2026 ha Shillong Press Club.
