Shillong, Jylliew 03: ha dien ka jingthwet kaba jur arngut kiba la shah kynnoh ba ki dei ki snar nogntuh kali ar shaka laioh ban kem ia ki na na Polo da ka kynhun pulit kaba kyrpang.
Ki pulit kila thwet jur ia kine ki ar ngut bad la ioh ban kem ia ki na Polo da ka kynhun pulit kaba kyrpang na ka Pasteur Beat House Special Party ha ka jingdon bynta jong ki ha ka kam tuh ia bun ki ar shaka na ka nongbah Shillong bad pyniaid ia ki sha khappud Bangladesh.
Ki kyrteng jong ki ka long u Cornelius Mukhim ba la tip kum u Bryan 20 snem ka rta bad uba shong ba sah ha Mawlai Mawroh, Shillong bad u Meshanki Lamare 21 snem ka rta uba na Sapai Jowai.
Katba ki tiar ba la ioh kurup na ki, ki long ka Taparia Torx Key Set 9 tylli bad ka song plastik ba rong saw bad blue, Taparia Allen key set 9 tylli bad ka song plastik ba rong jyrngam, 2 tylli ki plas ba ot waiar ba rong saw bad jyrngam,
U skrew draibar ba rong jyrngam bad ka pisa haduh T. 19500, ka suloi nar ba rong iong bad u shon shap ba thoh Xin.Shi.Ji. Made in Jian.Chen JC, ka bek kieng Nike ba rong blue bad iong bad lashai ka sngi yn sa ialam ia ki hakhmat ka iing bishar.
