Shillong, Nailar 04: U Additional Superitendent ki pulit Jowai kila kem ia lai ngut kiba la shah kynnoh donkti ban pyniap ia u Damehi Mulieh 28 snem na ka shnong Ialong kiba la shah kem ki long u Dapjingkmen Paslein 26 snem, Samuel Iakai 25 snem bad u Dauniwankmen Sutnga 26 snem.
Ha ka khyrwoh kaba la phah mynta ka sngi la iathuh ba ha ka 31/Naitung/2026 ki pulit jong ka Jowai kila ioh ia ka jingpyntip ba kawei ka kali Maruti Alto K10 kaba don ia u nombar ML 05 AG 0285 ka bym tip ka dei ka kali jongno la bat da ki pulit jong ka Gumrah Police, Cachar District ka jylla Assam bad ar ngut ki briew kiba don hapoh kali.
Mar ia ioh ia kane ka jingtip ki pulit jong ka Phra Mer kila leit sha Gumrah Police Station ka jylla Assam hadien ba la pyndep katkum ka ain la wanrah ia kitei ki ar ngut sha Meghalaya West Jaintia Hills na ka bynta ban tohkit shuh shuh ha kaba iadei bad kane ka kali.
Ha Kajuh ka por la pyntip sha ki bahaiing ha sem jong u ba shah pyniap ba ka kali kaba kila ioh kurup ka dei ka jong u Damehi Mulieh Bam Kwai ha Dwar u Blei haba iadei bad kane ka jingjia ki pulit kila mudui pyrshah ia ki lai ngut kiba la ioh kem ha ki kyndon tuh bad pyniap briew jong ka ain BNS.
Ia kine ki lai ngut kiba la shah kem la rah sha iing kashari bad ka jingtohkit kan nang iai bteng na ka liang ki pulit ka West Jaintia Hills kila ai khublei ia ki pulit ka Gumrah Police Station kiba la bat mardor ia katei ka kali ha kajuh ka por la kyntu ia ki paidbah ba kin da sumar bad ban husiar haba ki buh ia ki kali.
