Shillong,Nailar 04: Mynta ka sngi 04/Nailar/2026 ka Synjuk ki Rangbah Kur kabri u Hynniewtrep bad ki Khlieh Nongsynshar Shnong kila leit ban ia kynduh ia u Lat ka jylla u C.H.Vijayashankar ban pynpaw ia ka jingpyrshah ha kaba iadei bad ka “The Khasi Hills Autonomous District (Regulation and Administration of Land) (Amendment) Bill 2026.
Haba kren ha ki lat pathai khubor hadien ka jingiakynduh ia u Lat ka jylla u bah Rap Blah u la ong ba kim pyrshah ia ka jingbuh jingthoh ia ka khyndew ka shyiap ha ka bui namar hap ban leh katkum ka por hynrei kaei kaba ki pyrshah ka long ka jingpynkylla ia ka Section 16 jong ka “The Khasi Hills Autonomous District (Regulation and Administration of Land) Act 2021.
Katkum ka ne ka jingpynkylla ia ka kyndon kaba 16 la weng noh ia ka Dorbar shnong, Dorbar raid bad Dorbar Hima ka jingiakynduh jong ki ia u Lat ka long, namar ba ka Distirct Council kaba dei ka nongpeit ka nongri ka nongda ka nong ker ia ka khyndew ka shyiap hynrei haba ka District Council kala phah ia katei ka jingpynkylla ban ioh ia ka jingmynjur jong u Lat kum ka kynhun ki leit ban ud ban nam namar ka nongda ka pynmih ia kane ka jingeh.
Ha kane ka jingiakynduh na ka liang jong u Lat la bthah ia ka kynhun ba kin leit ban ia kynduh ia ka sorkar jylla namar kum u Lat u hap ban peit ruh ia kaei kaba ka sorkar jylla ka ai jingmut kan bha ban ia kynduh ia ka tnad District Council Affair ka sorkar jylla.
