Shillong, Jylliew 12: U Superintendent of Police SP East Khasi Hill, u bah Vivek Syiem u la iathuh ba ka jingsylla ban pyniap ia u Raja Raghuvanshi ka la dei 11 sngi shwa ba ka Sonam bad u Raja Raghuvanshi kin iathoh, ha kaba ki la thmu ban pyniap ia u ha Guwahati, Assam.Haba kren bad ki nongthoh khubor u bah Vivek Syiem u la iathuh ba ha ka jingtohkit ia ki 5 ngut kiba donkti ban pyniap ia u Raja Raghuvanshi, ki la phla ba ki donkti ban pyniap ia u Raja Raghuvanshi bad kane ka jingsylla ka la dei naduh Indore Madhya Pradesh,11 sngi ha shwa ban iathoh ka Sonam ia u Raja, kane ka dei ka buit jong u Raj Kushwaha, u samla ka Sonam.
“U Raj Kushwaha u la phah ia u Vikash Chauhan (Vicky) u ba dei u paralok jong u, ha ryngkat u Anand Gurmi, bad Akash Rajput naduh ka 19 tarik jymmangki la wan sha Guwahati, ha kaba kine lai ngut ki la sah ha kawei ka hotel bad wad ia ka jaka ba long ban pyniap ia u Raja, hynrei kane ka khlem urlong na ka jingbun briew” la ong u Vivek Syiem
