Shillong, Kyllalyngkot 18: Ka seng samla pule jong ka Khasi Students’ Union (KSU) Jaiaw kala pyntip paidbah ba kan pynlong ia ka jingai ia ka khusnam “Maitshaphrang Award” ha ka 15 tarik bnai Rymphang 2020.
Na ka liang jong ka seng ka kyntu ia baroh ki samla pule kiba la wan sha khmat kiba hap hapoh jong ka Jaiaw ba kin ai ia ki jingtip da kaba pynpoi ia ki kot ki sla sha ka seng, kane ka jingai khusnam ka long kum shibynta ban pynshlur ia ki samla ha ka jingpule.
Ia ki kot ki sla ki dei ban pynpoi sha ka seng kila lah ban phah naduh ka 16 tarik mynta u bnai haduh ka ha ka 7 tarik Rymphang 2020. Ia ki kot ki sla ban pynshisha dei ban phah sha ka ophis jong ka seng ha Jaiaw Chapel Road. Na ka bynta ka jingtip kaba bniah phone sha kine ki number, 9366958517/ 7005145699 bad 9077177699.
Na ka bynta ki klass VI haduh SSLC ki dei ban long kiba ioh 70% shaneng, Klass XII ki dei ban ioh 65%, kiba pule ha ka kyrdan Graduate, post Graduate bad kiwei kiwei ki jingpule kiba kyrpang ki dei ban long 60% sha neng kynthup ia kiba pule ia ka kyrdan Ph.D.
