Ka long ka jinglehrain ha khmat ka pyrthei ba ki iing ha Nehru park ha Umiam ki jot rathai

Shillong, Naitung 06: Ka Nehru Park ha Umiam kadei kawei na ki jaka jngohkai pyrthei kaba itynnad ha kaba bun ki briew ki leit sha kane ka jaka ban shongkai pyngat, ban ialam ia ki khynnah ba kin ialehkai sngewbha namar ka jinglong madan ka jong ka.

Hynrei kiba bun na ki nongjngohkai pyrthei kila kren byniaw pat ban iohi wat la ia ka jaka la sumar itynnad ban long ka jaka kaba jyngam, hynrei ki iing kiba la shna ha kane ka jaka ban shongkai ki nongwan kai kila jot rathai.

Haba u SP News Agency la poi sha katei ka jaka la iohi shisha ia ka jingjot ki iing kiba khlem maramot ia ki ba kila jot bad na ki nongleit kai sha kane ka jaka kila pynpaw ba kane ka jingjot ka ktah ia ka burom ka itjot kane ka jaka kaba itynnad.

Kila don kiba  pynsngewruh, lada ka tnad Wildlife kam lah ban maramot ia kine ki iing kiba don ha katei ka jaka balei kam shu pynpra noh ban lait na ka jinglehrain ha khmat ka pyrthei haba ki wan ki briew kiba na shabar ka jylla.

Lah ban kdew ba ia kane ka Nehru la plei da u myntri rangbah barim ka jylla bala bam kwai ha dwar u blei u Purno Agitok Sangma ha u snem 1990, ia kane ka park la ainam ha ka kyrteng u Nehru la ong ba dei ha kane ka jaka ba u myntri rangbah duh ba nungkong jong ka Ri India u Jawahalar Nehru u la plie ia ka Umiam Hydro Electric Project ha u snem 1960.

 

 

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet