Ka sorkar BJP ka kwah ban pynbiang ia ki surok ha thain shatei lam mihngi ka Ri India: Amit

Shillong, Naitung 24: U Mytnri kam poh iing ka sorkar pdeng u Amit Shah mynta ka sngi u la plie ia ka Inter State Bus Tremendous ha Mawiongrim ia kaba la bei pisa da ka North eastern Council ha ka jingiabah tyngka 90% bad 10% na ka sorkar jylla Meghalaya.

Haba kren ha kane ka jingialang na ka liang jong u myntri kam poh iing ka sorkar pdeng u la ong ba ha dien ba ka sorkar BJP kala wan ha bor kala peit ba ka jingdon kam ha North East ka long ban pynbha ia ki lynti syngkieng, la ki dei ha ka surok, ki lynti rel bad kum juh ki kad liengsuin ha kane ka thain na ka bynta ban kyntiew ia ka ioh ka kot ha kane ka thain shatei lam mih ngi.

Haba phai sha ka jylla Meghalaya na ka liang jong u myntri kampoh iing ka sorkar pdeng u la ong ba ka sorkar pdeng kala mang pisa ban shna ia ka surok na Umulong sha Khanduli ha West Jaintia Hills, ka surok na Mairang sha Rani Godawn ha Assam bad bun kiwei kiwei ki skhim pynroi ha kane ka jylla Meghalaya.

Ha ka jingkren u myntri rangbah ka jylla Meghalaya u Conrad K Sangma u la ong ba kane ka jingwan jong u myntri kam poh iing ka sorkar pdeng sha Meghalaya ha kine ki ar sngi wat ha pdeng ka jingdon ka dorbar parliament ka kren shai ba ka sorkar pdeng ka don ka jingkit khlieh ia ka dong shatei lam mih ngi ka Ri India.

Haba ia dei bad kane ka jingtei ia kane ka ISBT kaba la plie mynta ka sngi ka dei kaba la bei pisa lyngba ka ka NEC ha ka jingiabhah tyngka lang hapdeng ka sorkar pdeng bad ka sorkar jylla kaba long 90%:10%, kane ka jaka iing kali kaba la plie mynta ka sngi ka long ha ka jinglut kaba T. 48.31 cores.

Ka jingkylla kumba ka long mynta ka dei na ka jingshim khia jong ka sorkar pdeng ia ka dong shatei lam mih ngi jong ka Ri India bad ia ka jylla Meghalaya bad kane ka jingpynbha ia ki lyngi syngkieng kan ia iarap ia ka leit ka wan ban kyntiew ia ka ioh ka kot.

Kumba ka long mynta ka long kaba don kam ban pynkhlain ia ka khaii pateng bad ka Bangladesh da kaba shna ia ka surok kaba lah ban iaid hynriew tylli ki kali, ban pynbha ia ki kad khaii ha khapud bad ka jylla Meghalaya ka long kaba don kambha ban ban kyntiew ia ka khaii pateng.

Kane ka jaka ieng bus kaba la plie mynta ka sngi kan iarap ha kaba pynieng ia ki kali kiba leit sha Arunachal Pradesh, Nagaland, Maipur, Mizoram, Tripura bad kum juh sha ka jylla Assam, kane ka jaka ieng kali ka long kaba don kam shisha na ka bynta ki paidbah kane ka thain. Ha kane ka sngi la plie ruh ia ka jaka pyndap lyer Oxygen ha Umsawli.

Ha kane ka sngi ki myntri ka sorkar pdengt kiba la don lang ha kane ka sngi ki long u Dr Jitendra Singh, u G. Kishan Ready ba dei peit ia ka tnad DONER bad u  myntri khynnah ka DONER u B L Verma, u bah Prestone Tynsong Symbut Myntri Rangbah ka jylla, kiwei ki myntri sorkar, u MLA ka Mawlai u bah PT Sawkmie bad u MDC u bah Teibor Pathaw bad ki ophisar ka sorkar jylla.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet