Shilling, Jymmang 20: Ka Khasi students union’s Eastern Border area circle kala kam ba ha ka por 11:30 P.M jong ka miet 19 tarik u Jymmang 2021 kala ioh ban bat ia ki 21 ngut ki bar jylla ha ka surok umroi bye pass ha ki thain bhoirymbong.
Katba ka jylla baroh kawei ka shah pyrkhing bad bun ki la shah set slung namar ka khlam Covid-19 bad ka ain jong ka sorkar jylla ka teh ka khum ia ki trai ri trai muluk haduh u pud ba ki ba bun ki duk ki ba kamai kyndoi jakpoh ki shah dain kuna lada ki pynkhein ia ki adong adit ka sorkar jylla.
Ka seng KSU ka ong ba ka long kaba ithamula shi katdei eh namar ia ki trai ri wat ban iaid na kawei ka district shawei kim shah hynrei haba ki dkhot ka KSU ki ioh bat jan man ka por ia ki bar jylla ba iaid sahuh bad khlem jingsalia bad kim tieng shuh namar ki ain ka sorkar kam treikam ia ki, la kynnoh ka KSU.
Ka KSU hi ka sngewdiaw ha kum kane ka por namar ka jingwan tuid ki bar jylla ka dei kawei ruh na ki lad ban pynsaphriang ia ka khlam covid-19 ha ka jylla jong ngi bad ka ain ka noh shilliang palat namar ka jingshah khniot kan dei tang ia ki trai ri trai muluk ym ia ki mynder ri.
Da kane ka kyrwoh ka KSU kan nym shong kli kti ban shngain ka Jaidbynriew kan iai bteng ban pyrkhing ia ki bar jylla la ka dei ha kano ka dur ruh bad shim da ki sienjam ba eh.
Hadien bala tohkit bniah na ka liang jong ka seng KSU ia ki tei ki bar jylla la tip ia ka kyrteng jong ki, Ka Moida Khatun 25 snem, U.Alser Ali 24 snem, Ka khatiza Khatun khun jong u Alser Ali , U Ali Hussain 23 snem, U Abdul Hussain 18 snem, U Azad Ali, U Sahidul Islam 18 snem, U Hassan Ali 19 snem, U Dilal Hussain 18 snem, U Rofikul Islam 18 snem, U Jerul Hoque 27 snem, Ka Aisha Khatun, U Yakup Ali 19 snem, U Ajmud Ali 19 snem, U Md Mojibur Rahman 40 snem, U Ajma Khatun 40 snem, Ka Hajara Khatun 25 snem, ka Hasima Khatun 19 snem, Esmina Khatun 18 snem, U Hasmud Ali .
Kitei baroh ki khar bar jylla ki wan na ka darrang district jong ka jylla Assam da ka jingthmu ban wan wad bylla sha kane ka jylla jong ngi, kane ka long kat kum ka kyrwoh bala phah da u samla Banjop Maring, President Eastern Border Area Circle.
