Shillong, Nailur 06: U Superintendent ki Pulit ba dei peit ia ka jingpyniaid ia ki kali ha East Khasi Hills District u Dr. Hari Prashnath M.R IPS la pyntip ba na ka daw ba wan u Vice President ka Ri India sha Shillong kan don ka jingthut ka jingiaid ki kali ar sngi ha katto katne ki bynta ki surok ha nongbah Shillong.
Katkum ka kyrwoh kaba la phah da ka tnad pulit mynta ka sngi la iathuh ba kan don ka jingthud ha ka jingiaid ki kali ha ki bynta jong ka, Umiam, Mawlai Mawiong, Golfinks, Ktem ki pulit CRPF, Polo, Sawpherlong, IGP, Kachari, bad Police Bazar.
La kyrpad ia ki paidbah ba kin ia treilang bad ki pulit ban lah ban pyniaid ia ki kali, na ka bynta ki kali Ambulance bad ki kali pynlip ding la pynlait na kane ka jingkhang, na ka liang jong ki pulit ki ong ba ym dei ban ei ei na ka bynta kane ka jingthut.
katkum ka khubor kaba la phah la iathuh ba kane ka jingsdang ban thuk ka leit ka wan ki kali ha kitei ki bynta jong ka surok kaba la pynbna pan long naduh ka por 1.30 baje shiteng sngi haduh ka por 6.00 baje jan miet.
