New Delhi, Nailur 06: Ki Sarang Helicopter ki shipai suin ka Ri India kila poi sha Egypt ban ia shim bynta ha ka jingpyninam kaba ar jong ka “EI Alamein International Airshow” ka ban long ar sngi kata 08 haduh 10/Nailur/2026 ha EI Alamein International Airport.
Kane ka kynhun shipai suin jong ka Ri India kaba la tip kum ka “IAF Sarang” dei tang kane ka kynhun kaba don ha ka pyrthei kiba don san ngut ba kin leh ia kane ka jingpyninam hakhamt ka pyrthei.
Kane ka kynhun ka pyni kumno ban thew beit sha ka shohpdung, ka jingtbit, ka jintbit ha kaba pynher ia ki helicopter bad kane ka kren ia ka jingbtit ki shipai suin jong ka Ri India bad kane jingpyninam kan wanrah ia ka jingiajan ha pdeng kine ki ar tylli ri bad ha ki kam iada ri.
Kine ki Helicopter ki dei kiba la shna hala ka jong ka ri, kane ka jingpyninam kam kren tang ia ka jingtbit jong kiba niah hynrei ka kren ba ka Ri India mynta ka lah ban ieng ha la ki jong ki kjat ha ki jingiakhun na suin.
Kane ka kynhun Sarang ka pyni ia ka rukom pynher kaba la tip kumka shyntur jong u Dolphin kaba la tip kum ka “Dolphin Leap” kawei pat kaba la tip kum ka “Spot Stall Turn” bad kane ka jingpyninam ka kren ka jingleh ki shipai suin ka ri.
