Shillong, Nailur 06: U Managing Director ka National Health Mission ka sorkar Meghalaya Ramkumar S, IAS u la leit ban jurip ia ki jaka ai jingsumar ha ka koit ka khiah ha Mahendraganj CHC bad ha ka MCH.
Kane ka jingleit ban jurip ka long ban lap da lade ia ka jingtrei kam ki jaka ai jingsumar ha kitei ki bynta ba long kyndong ka jylla Meghalaya, ha ka juh ka por ban lap kiei kiba don kam ban pynbiang ha kane ka jingai jingsumar ha ki jaka sumar ba pang ba shitom jong ka sorkar.
Ha kane ka jingleit u la ia kynduh ia ki doktor, kiba trei ha ka tnad ka koit ka khiah bad ha kane ka jingiakynduh kila ia kren ruh ha kino ki bynta kaba ki dang don kam ban pynbiang ha ki jingai jingsumar ha ka thain Mahendraganj.
Da kane ka jingleit u Managing Districtor ka NHM sha katei ka thain bad ka jingiakren bad kiba don ha kito ki jaka ai jingsumar kala pynshai shuh shuh kino ki bynta ban dang pynbha ha kaba ai jingsumar sha ki paidbah.
Ha kane ka jingleit jurip la don lang u Dr. Noor Ain Khan, MS-cum-Sr. M&HO, Mahendraganj, nalor jong u la don ruh kiwei kiwei ki doktor bang ki nongtrei ha ki jaka ai jingsumar ban ia mir jingmut langkumno ban pynbha.
