New Delhi, Lber 12: U myntri khynnah ba dei peit ia ka tnad kam poh iing u Nityanand Rai haba jubab ia ka jingkylli da ka jingthoh ha Rajya Sabha mynta ka sngi la ong ba ha kine ki khatlai bnai naduh u bnai kyllalyngkot 2024 haduh u bnai kyllalyngkot 2025 ki shipai BSF kila ioh kem 2601 ngut ki khar Bangladesh.
Ha ka jubab kaba la ai da ka jingthoh ka ong ba la dang pynkhlain ia ka jingiada ha khappud bad ka Bangladesh da kaba pyndon kam ia ki tiar kane ka juk ban peitngor bad la dang pynkhlain ruh ia ka jingbuh ia ki briew ban pahara ha khappud.
Ki lat ki lynti kiba ka sorkar kala shim ki long ban peitngor ki long kum ka, Hand Held Thermal Imager (HHTI), Night Vision Device (NVD), UAVs, CCTV/PTZ cameras, IR sensors, bad ka Comprehensive Integrated Border Management System (CIBMS) kaba la sdang ha Dhubri (Assam).
Ka jingpahara ha khappud bad ka jingkhynra bad ka jingia pahra lang ha pdeng ki BSF bad ki BGB la juh pynlong ha khappud labuh ruh ia ki floodlights, ki solar light ha ki jaka wah la pyndon kam ia ki BOPs kiba neh ha um, ka jingpynkhlian ia ki kam syntiat bad la pynpyrkhing ia ki kam khaii briew.
Ki BSF ki juh ia kren bad ki BGB ha ki kyrdan bapher bapher katum ki kyndon Joint India-Bangladesh Guidelines-1975. Kala don ruh ia ka Coordinated Border Management Plan (CBMP) kaba la ia soi ha u snem 2011 hapdeng ki BSF bad ki BGB.
La shim bun ki lat ki lynti ban pynkhlain ia ka jingtrei kam jong ki BSF da kaba buh ia ki jaka kynjang ban peit pyrman, la dang pynbun ia ki shipai ha khappud, da ka jingker ksainar ha khappud bad ka buh ia ki BOPs ki per ha um bad ki kot ki bor kiba katkum kane ka juk mynta.
La buh ia ki Held Thermal Imager (HHTI), Night Vision Device (NVD), Twin Telescope, Unmanned Aerial Vehicles (UAV); la dang pynkhlain ia ki kam syntiat bad kala don ka jingiatreilang bad ki bor syntiat jong ki sorkar jylla ban ia da ha khappud.
