Shillong, Risaw 17: U Superintendent ki pulit jong ka East Khasi Hills District u bah S. Nongtynger u la iathuh ba ha ka jingsyllad ka trok kaba don ia u number UP51 AT 2949 ha Shillong bypass mynta ka sngi ha ka por phra baje mynstep ki long san ngut baroh.
La iathuh ba saw ngut ki khlad ha shen bad u wei ha hospital, ka kyrteng jong kiba khlad ki long ka kong Balarihun Kharkongor 27 snem, Kong Gracefully Nongbri 23 snem, ka samla Banteibha Bina 20 snem, kong Shantilang Nongbri 28 snem bad u Korbarsing Kharduid 52 snem kine baroh ki dei na ka shnong Thangshalai.
Na ka liang jong ki pulit kila iathuh ba katei ka trok kit siej ka wan na ki thain Mawryngkneng ban leit sha Guwahti bad haba kala poi ha Shillong bypass ha jingkieng wah Umkhen ka tei ka trok kit siej kala leit ban tynrah ia kawei ka trok dumper kaba don ia u number ML05R 4937 bad ka sa leit ban syllad ia ki briew kiba shong dukan ha rud surok.
Na kine saw ngut kila khlad ha shen bad u wei u la khlad ha lynti ban leit sha Hospital. Ha dien kane ka jingjia u nongniah ia katei ka trok u la phet krad na katei ka jaka bad na ka liang jong ki pulit ki dang thwet ban kem ia u nongniah ia ka trok ia ka ejahar la register ha Mawryngkneng Police Station.
