Shillong, Jylliew 14: Mynta ka sngi ki pulit jong ka Laitumkhrah Police Station kila ioh ia ka jingpyntip ba la lap ar tylli ki met Iap ha kawei ka sem ha surok Shillong Jowai ha Lumsohphoh ha kawei ka dei jong u shynrang bad kawei dei jong ka kynthei.
Ha ka jingwat jingtip jong ki pulit la shem ba ka samla Pronome Hajong 22 snem ka rta ka dei na Balat bad u shynrang u Semanto Hajong 21 snem dei na Ranikor baroh ar ngut ki dei na South West Khasi Hills District.
Ki pulit ha dien ba kila shimti ia ka met jong kine ki ar ngut la pynkit noh sha NEIGRIHMS hospital ban leh ia kaba don kam namar na ka jingpeit na ka jaka bala ia kine ki ar ngut I kumba ki sdien phasi hynrei kata lah ban pynshisha ynda la ioh ia ka kaiphot jong ka Post Mortem.
Haba ia dei bad kane ka jingjia na ka liang jong ki pulit jong ka Laitumkhrah kila register ia ka ejahar hapoh jong ka kyndon ba ki khlad khlem dei por, ki pulit kila register ia kane wat la ym dei bala don jingujor na kano kano ka liang.
