Shillong, Risaw 24: Ka tnad ka koit ka khiah mynta ka sngi kala pyntip ba kiba la dep ban ai Tika hapoh ka jylla Meghalaya haduh mynta ka sngi kila kot sha ka 16,95, 265 lak ngut, kane la kynthup lang ia kiba 18 snem shaneng bad ia kiba la 45 snem shaneng.
La ai jingkhein, kiba la dep ban ai tika ha ka sien kaba nyngkong ki don 10,95,389 lak ngut bad kiba la pyndep ia ka jingai tika bad kaba ar sien ki don -5,99,876 lak ngut baroh kiba la ai tika kila kot sha ka 16,95, 265 lak ngut.
Ka tnad ka koit ka khiah ka dang ialeh ban pynsngewthuh ia ki paidbah nongshong shnong ka jylla ba ki dei ban ai Tika ban iada ia kane ka khlam COVID-19 positive ha kane ka jylla Meghalaya bad kumba ka long mynta ki paidbah nongshong shnong kiba la ai Tika kila jan jot sha ka 17 lak ngut.
