Shillong, Jylliew 21: Ka Meghalaya Swimming Association (MSA), ka kitbok kitrwiang ia ki 5 ngut ki nongialehkai ki jong ka kiban leit ban mihkhmat ia ka jylla sha ka jingiakop jngi ba la tip ia ka kum ka 78th Senior Swimming Championship 2025, kaba long ha Bhubaneshwar, Oddisha.
Kine ki san ngut ki nongialehkai kiban mihhmat ia ka jylla sha kane ka jingiakob ki long u Cleric Jayden Wanniang u ban iakhun ia ka 50 bad 100 meters Breaststroke, Shuan Maxwell Diengdoh ha ka 100 bad 200 meters Free Style, Anahad Alawat ha ka 50 meters Free Style bad 50 meters Back Stroke, Sumarbiang Mawlong kan iakhun ia ka 100 meters Free Style bad 50 meters Breast Stroke, Nazareen Pariong 50 meters Free Style bad 50 meters Butterfly.
Haba kren sha ki lad pathai khubor , u bah Ian President ka Meghalaya Swimming Association u la ong kane ka long sa kawei ka kabu ksiar ia kine ki 5 ngut ki khynnah ba kin ioh ban leit ban iashim bynta sha kane ka jingiakob, da kaba u la pyntip ba kine kiba leit iashim bynta sha kane ka lympung, kidei ruh ki khynnah.
Ka kum ka synjuk, ka la dep ba kan jied lypa ia bad kumjuh ia kiwei pat ba kin long kum ki nongialehkai kiban dang shah pyntbit shuh shuh ialade ban mihkhmat ia ka jylla ha k por ba ka pynlong ia ka National Games kaba 39 ha u snem 2027, kaban long ha kane ka jylla.
U la bynrap ba naka liang ka synjuk, ka la dep ba kan phah ia la ka jong ka kaiphot kaba iadei bad ka jingpynkhreh ka jong ka ban sei madan ia ki samla ban mihkhmat ha ka National Games ha u snem 2027.
