Shillong, Nailar 01: Mynta ka sngi da ka jingiatrei lang ki pulit jong ka West Garo Hills District bad ki pulit jong ka ri Bhoi District kila ioh ban kurup ia ki dynamite bala buhrieh ha ka shnong Umdu ha Ri Bhoi District.
Katkum ka jingbatai jong ki pulit la iathuh ba kane ka jinglap ia kine ki tiar pynbethei ka long katkum ka jingphla jong ki ar ngut ki briew kiba la shah kem ha ki pulit jong ka West Garo Hills ba kila buhrieh ia ki tiar shna bom ha Ri Bhoi District.
Ki tiar kiba la ioh ban kurup mynta ka sngi ki long 2.875 kilo ki Gelatine Stick Class-2 Explosives, 23 tylli, 24 tylli ki Non-Electric Detonators, kumba 9 m Safety Fuse bad Cordtex ki pulit kila kem ia u wei u ba pynbuh ia kine ki tiar siat.
Na ka liang jong ki pulit kila iathuh ba kane ka jingioh kurup ia kine ki tiar pynbethei mynta ka sngi ka dei halor ka jingbteng ia ka jingtohkit ia ki ar ngut ki briew kiba la kem na surok bah ban leit sha Tura-Dalu ha ka 23th Naitung 2021.
Ha ka jingphla jong ki ar ngut kiba la shah kem kila ong ba kane ka jingleh jong ki ban pyrshang ban rah bor ia ki briew kiba ym lah ban tip ka long ban thaw noh ia kawei ka seng lehnoh kaba thymmai ha kaba ki la phla ba kila buh rieh ia ki tiar pynbethei ha shnong Umdu ha Ri Bhoi District.
Kila phhla ba ka jingbuh ia kine ki tiar pynbethei ka long ba kin shna ia ki bom IED ba ka bynta ban pynbthei bom ha Garo Hills, ka jingioh kurup ia kitei ki tiar dei bala khynra mynta ka sngi da ki pulit ka West Garo Hills bad ki pulit jong ka ri Bhoi District.
