Shillong, Jylliew 20: Ki paid Khasi kiba shong basah ha Karbi Anglong, Assam, kaba dei kawei na thaiñ khappud ba dang don hapdeng ka jingiapynbeit pud pynbeit sam, da kawei ka jingmut ki la rai ban thaw da kawei ka kynhun seng ia kaba la tip kum ka United Khasi People Organization (UKPO).
Ia ka UKPO la suit la shor ha ka jingkynduh lang ki jaidbynriew Khasi ha katei ka district ha ka 18 tarik Jylliew, 2022, ba la ialam da u Bah Pius Sten uba la pyniaid ia ka jingialang kaba la long ha Umlaper Block-II.
Ka jingthmu jong katei ka seng ka long ban peit ban khmih ia ki jingeh ba ki Khasi ki kynduh nangne shakhmat bad ba kin ioh ia ka imsuk imsaiñ bad kiwei ki jaidbynriew ki bym dei ki Khasi ha katei ka thaiñ bad kumjuh ruh ba katei ka synjuk kan sa pyrkhat halor ka jingbym ioh ki khasi ban jied ia ki dkhot ka District Council.
Ka elekshon kaba dang shen jong ka elekshon sha iingdorbar ka KAAC, lem ruh bad ka jingkyrpad ba ka KAAC kan ithuh ia ki kolshor u Khasi ha katei ka thaiñ lem bad ka jingangnud ban thung uwei u dkhot na ki Khasi kum u nominated MDC ha ka council, la ong u Bah Niwel War, Adviser.
Ki nongkitkam ka UKPO ki long, President Bah Pynshngaiñlang Ratane, General Secretary Bah Kularskhem Khynriam, ki nongai buid la jied ia u bah Niwel War bad Bah Pius Sten.
