Shillong, Naitung 19: ka jingjyllei jong ka jingshah tuh na kine ki sngi ha kane ka nongbah Shillong ka long kaba jyllei bha ha kaba ki nongtuh kila prong ia ki iing briew, ki dukan bad ki kali ba pynieng ha lynti.
Ka kong Barilin Wahlang kala ujor sha ki pulit ba ki nongtuh kila tuh ia ka kali arshaka jong ka kaba don ia u No. ML-05AA-0060 ha Fire Brigade Shillong kane kala jia ha ka miet jong ka 15/7/2025.
Ha kawei ka jingjia u Pinak Kanti Das u la ujor ba ha ka 15/7/2025 la shem ba ki briew kiba ymlah ban tip kila pynpaid ia ka synduk ba don ki kor ki bor ha Oakland Shillong bad kila tuh ia ki wire bad kiwei ki tiar kiba kordor shongdor T.10,000/- .
U bah Banshanborlang Mawlong la u jor ba ha ka miet 17/7/2025 ki briew kiba ym lah ban tip kila tuh ia ka kali Bolero Pick-Up kaba don ia u No. ML-05P-9529 na Mawiong jan ka ISBT, Shillong.
Ka Saroda Agarwal bashing ha Nongthymmai Dum Dum ba ki briew kiba ym lah ban tip ki prong ha iing sah wai jong ka bad kila tuh ki ksiar, rupa bad ka pisa kaba don ha iing kumba T.60000/- tyngka.
