New Delhi, Nailar 10: Ka Election Commission of India mynta ka sngi ka la pynlong ia ka conference bad ki Chief Electoral Officer jong ki jylla and UT kiba la dep pynlong elekshon bad ki jylla bad UT ki ban dang long elekshon ha ka India International Institute of Democracy and Election Management, New Delhi.
Ki CEO na kiwei kiwei ki Jylla bad UT ki la iashim bynta lang ha kane ka conference lyngba ka video-conferencing. La pynlong ia kane ka jingialang ban iasamjingnang jingtip kiba la ioh na ka jingpynlongelekshon ha ki jylla ha u snem 2021 bad 2022.
Ha kane ka jingialang la don ruh ka jingiamir jingmut halor ka jingpynkhreh ban pynlong elekshon, ka jingpeit ia ka jingpynlut pisa, ka electoral roll, ki IT Application, ka jingpeit ia ki jingtip ba don, EVM/VVPAT, SVEEP strategy, ki lad ai jingtip bad kiwei kiwei.
Ha ka jingai jingkren jong u, u CEC Rajiv Kumar u la ai jingiarohia ki CEO jong ki jylla ba la pyndep ia ka jingpynlongelekshon ha ki por ba bun bha ki jingjynjar. U la ong ba ki rukom treikam jong kine ki jylla ki dei kiba hap ban pynbud khlem da pyntlot ia ka burom jong ka rukom pynlong elekshon.
U la ong ba dei ban peit bha ia ki sienjam bad ki jingsaindur thymmai jong ki CEO na ka bynta ka jingpyndonkam ia ka IT ha ka jingpyniaid ia ki elekshon ha kaba ia ki rukom treikam ba lah ban pyndonkam dei ban pynskhem shuh shuh bad ban thep lang ha ki rynsan ECI IT bad ki App khnang ban lait na ka jingtrei arsien ia kajuh ka kam.
U Rajiv Kumar u la kren ruh shaphang ka jingdonkam ban pyndonkam ia ka jingstad science ban peit ia ki kam elekshon khnang ban lah ban pyndonkam bha ia kine ha ryngkat ka rynsan digital khnang ban suk ka jingpynsaphriang jingtip ba la saindur da ki jylla bad ka ECI.
La bthah ia ki CEO ba kin pynthikna ban khot ia ki nongmihkhmat na ka kynhun National & State Disaster Response Force ban iakren shaphang ki kam kiba hap iatrei lang. Namar ka jingkylla ha ki kam pyniasoh bad ka teknoloji, u la ong ba dei ban leh ia ka geo-tagging ia ki polling station bad ba ki bor pyniaid distrik ki dei ban peit biang ia ki route chart.
Ha ka jingiakren shaphang ka jingai jingtip ia ki nongthep vote, u CEC u la ong ba ka kam SVEEP ka dei ban poi sha ki kyndongkynshrot bad ka dei ban peit bha ia ki polling station ba duna ka jingwanthep vote ki briew khnang ban lah ban pynbeit ia kane.
U la kyntu ia ki CEO ba kin ai jingtip na ka por sha ka por sha ka ECI na ka bynta ka jingpynbha shuh shuh ia ka rukom treikam bad ka jingkyntiew ia ka jingplie lad ia ki briew ba wan thep vote.
U Election Commissioner, u Anup Chandra Pandey u la kren shaphang ka jingdonkam ban pyrkhat thymmai bad ruh ban bud ia ki rukom treikam kiba biang tam ha ki jylla bapher bapher.
U la ong ba ki rukom treikam ba biang tam da ki jylla bapherbapher ha ki elekshon ba la dep ki long kum ka jingpyndonkam ia ki road map da ka Tamil Nadu, Chatbot da ka Goa, Learning Management System da ka Assam, ki sienjam ba kyrpang na ka bynta kito kiba don jingduna ha ki dkhot met da ka Uttarakahnd.
Meghdoot postcard na ka bynta ka jingai jingtip ha ka jingiatrei lang bad ka tnat iing dak, mobile app ANUBHAV ban plié lad ia kito kiba don jingduna ha ki dkhot met da ka West Bengal.
U Pandey u la ong ba ki kynhun jong ki CEO ki dei ban long kiba peit bniah khnang ban pynthikna ia ka jingbat ia ka burom jong ka jingpynlongelekshon bad ban shim ia ki sienjam kiba tyngehkatkum ka ain ia kito kiba pynkhein ia kane.
Halor ka kam ba dang shen jong ka Commission na ka bynta ka jinglum AADHAAR, u Pandey u la ong ba ka long kaba donkam bha ban bat ia ki kyndon ka ECI haba lum ia ki jingtip. U la ai jingiaroh ia ki CEO ba naduh ba la sdang ia kane ka kam naduh ka 1 tarik u Nailar, 2022 palat 2.5 klur ki AADHAR ki dei ba la lum lyngba ka jingai kylluidmynsiem ki briew.
Ha kane ka jingialang, ka Commission ka la pynkup burom ruh ia ki ophis ka tnat kam pohiing, ki kynhun Central Armed Police Force bad ka tnat rel kiba la nohsynniang bha ha ka jingpynlong ia ki elekshonsha ki iing dorbar thawain ha ka rukom kaba iaidbeit, kaba shai bad kaba lait na ki jingkulmar ha u snem 2022.
Kine ki kynhun ki la hap ban leit sha ki jaka kiba jynjar ban poi bad kiba jngai bad na kawei ka jylla sha kawei pat ha ka jingai jingshakri jong ki ha katei ka por na ka bynta ka jingiaid beit ka kam pynlong elekshon.
U CEC, u Rajiv Kumar u la ai jingiarohia ki halor ka jingpynkhreh kaba bniah bad ka jingleit pyndep kam ha ka por kaba biang ha kine ki elekshonsha ki iing dorbar thawain ha u snem 2022.
Ka Commission ka la ai ruh ia ka grant of honorarium sha ki ad-hoc Commandant, kiCommandant jong ki kynhun kiba hap ai jingshakri ha ka por elekshon ba pynlong da ka Election Commission of India.
Ha kane ka sngi, ka Commission ka la pyllait ruh ia ka A-WEB India Journal of Elections kaba thymmai. Kane ka dei ka kot kaba don ia ki jingthoh bad ki jingai na baroh ki bynta ka kynhun A-WEB. Ka A-WEB ka dei ka kynhun kaba heh tam jong ki kynhun kiba peit ia ki kam elekshon ha kylleng ka pyrthei.
Ki CEO jong baroh ki jylla kiba la dep pynlong elekshon ki la ai jingtip shaphang ki jingshem jong ki bad ki jingsaindur thymmai jong ki ba la pyndonkam ha ka jingpynlongia kine ki elekshon.
Ki CEO na ki jylla ban pynlong elekshon ki la batai shaphang ki kam ai jingtip, bad kiwei kiwei ki kam jong ki na ka bynta ka jingpynthikna ia ka jingskhem bad ka jingkhlain jong ka electoral roll ha baroh kiAssemblykonstituensi jong ki jylla jong ki. Ki DEC kiba la kham heh kyrdan, ki DEC, ki DG bad kiwei kiwei ki ophisar kiba heh kyrdan jong ka Commission ki la iashim bynta ha kane ka conference.
