Shillong, Nailur 15: Ka nongbah Shillong kala pdiang ia palat 250 ngut ki nongialehkai badminton na kylleng kane ka thain na ka bynta ka jingsdang jong ka Yonex Sunrise North East Interstate Badminton Championship 2026, kaban long ha ka sngi Balang.
Ia kane ka jingialehkai kaba ka pyniaid da ka Meghalaya State Badminton Association lem bad ka jingkyrshan jong ka Meghalaya’s Directorate of Sports and Youth Affairs kaba hap hapoh ka jingpeit jong ka Badminton Federation of India, kane ka jingialehkai ban neh saw sngi, kan jia ha JN Sports Complex Indoor Stadium.
Ia kane ka jingialehkai, la pyniaid da ka rukom kaba ia kylla lane kylliang ha kylleng ki phra tylli ka thain lam mihngi. La pynlong ia kane ka jingialehkai khatduh ha ka jylla Meghalaya ha u 2016, lem bad ar snem ba ka jah noh na ka daw jong ka jingwan ka lynshop ka khlam Covid-19.
Ka jingwanphai biang jong kane ka lympung bakhraw ha kane ka thain, ka pynlong iaki nongialehkai badminton ba kin pdiang bad kiba lah ban ioh iaka lad ban iatynjuh bor bad ki nongialehkai kiba tbit na ka thain shatei lam mihngi.
Man la ki jylla, kynthup iaki nongpyniaid na Meghalaya, ki lah ban phah haduh palat 34 ngut ki nongialehkai badminton bad kan don ka U-17, U-19 bad senior individual kumjuh ruh ka kynhun ialehkai ba tbit, la pyntip da u MSBA Vice-President, u bah Pynbianglang Laloo. Katba ki jingialehkai kin sdang ha ka sngi Balang ha ka por 8 baje mynstep.
Uwei na kiba iashim bynta dei u H Lalthazuala na ka jylla Mizoram. Une u dei uwei na ki nongialehkai ba la jop ha ka national U-17 champion bad u la dep mihkhmat na ka Ri India ha ka Badminton Asia Junior Championships ha Indonesia bad World Junior Badminton Championships ha Guwahati, ha ujuh u snem myn shem snem.
Ha ka jingwan jong u nyngkong sha ka nongbah Shillong, u Lalthazuala u kyrmen ban iakehkai bha. “Ym dei ban sngew sarong, hynrei nga pyrkhat ba ngi don iaka kynhun kaba khlain bha,” u la kren shaphang ka kynhun jong ka jylla Mizoram.
