Shillong, Jymmang 27: U Lamphang jong ka Bihar Legislative Assembly, u Dr. Prem Kumar, u ba dang don mynta ha ka jylla Meghalaya na ka bynta kiba la wan sha kane ka jylla ioh ia ka jingsngewthuh ha kaba ia dei bad kane ka jylla.
Kane ka long ruh shi bynta jong ka jingiakynduh lang hapdeng ki dkhot ki dorbar thawain kine ki ar tylli ki jylla bad ka kane ka jingwan jong u sha kane ka jylla ka long ban sngewthuh ia ka jingpyniaid ia ka iing dorbar ha kane ka jylla, khamtam eh ban sngewthuh ia ka riti dustur ki khasi.
U Dr. Prem Kumar u la poi ha kane ka nongbah Shillong ha ka sngi ba ar kata ha ka 26/ Jymmang/2026 bad un sah ha Meghalaya haduh 29 tarik, Jymmang. Ha kane ka jingwan jong, u la wan ban jurip ia ki jaka sah nam ki khasi bad un leit sha Sohra ruh kum juh.
La synran ia une u Lamphang da ka kurim jong u, ka Prabhawati Devi, ryngkat bad ki heh sorkar bad ki pulit pahara na ka Bihar Legislative Assembly.
Kane ka jingwankai ka la khmih lynti ba kan pynkhlain shuh shuh ia ka jingiatylli hapdeng ki dorbar thawain bad ban pynshlur ban pyndonkam ia ki rukom treikam kiba bha tam ha ka synshar khadar hapdeng ki jylla.
