Shillong, Jymmang 12: Mynta ka sngi ka ‘State Women Wing’ jong ka VPP kala leit ban ia kynduh ia u myntri ba dei peit ia ka tnad pulit puthi ka jylla u Rakkam A Sangma ban ai ka jingthoh ha kaba ia dei bad ka CUET eksam 2025.
Ha kane ka jingthoh kaba la soi da ka Phileta Syiem President bad ar ngut kiwei de ki nongkit kam kila kdew ba ia ka CUET eksam la pyntrei kam ha u snem 2022 hynrei haduh mynta kam pat biang ki jaka thoh eksam ha ka jylla.
Haba ia dei bad kane la kyntu ia ka sorkar ba kan shim khai ban buh kham bun ki jaka thoh eksamin ba ki samla pule kim ioh ban thoh ha ka jylla khlem da leit sha kiwei ki jylla, lada ki samla kim ioh ban thoh ia ka eksam kan long ka jingduh kaba kim lah ban apply ia ki jingpule ha NEHU ne ha ki jaka pule sha bar ka jylla.
Na ka liang jong ka NTA kala buh bun ki samla pule ba kin ioh thoh ia kane ka eksam CUET ha Shillong hynrei dang bun ki samla pule ki hap ban leit sha bar ka jylla ban leit thoh ia kane ka eksam, ha ka shithi kila ai jingmut ba ka sorkar kan buh ia ki jaka ban iarap ia ki samla ha kane ka bynta.
Ha kane ka CUET eksam 2025 bun na ki samla pule kane ka jylla ki ioh jaka ban thoh eksam sha bar ka jylla kane kala ktah ia ki bad kum juh ha ka liang ka pisa pilain ia kito kiba wan na ki long iing kiba duna ioh ka kot.
