Shillong, Lber 12: U bah Himalaya M Shangpliang bad u bah Hamletson Dohling ki la pynshai halor ka jingleit peitkai jongki ia ka jingialehkai ka cricket ka team India ha nongbah Dubai
Haba kren bad ki nongyhoh khubor u bah Himalaya M Shangpliang u la ong ba ka jingialehkai cricket ka long ba u sngewtynnad eh, u la ong ymdei tang ha kane ba u leit peitkai hynrei kum ka jingialehkai phainal IPL ha Calcutta, Bombay ha Delhi bad kylleng.
U la ong ba mynha kane ba poi semi-final ka India bad ka Australia ha poh Dubai bad ka la don ka jingkhot sngewbha na ki paralok ban leit peitkai hakatei ka jingialehkai.
U bah Himalaya M Shangpliang bad u bah Hamletson Dohling ki la pynpaw ba ki la poi ha Dubai ban sakhi ia ka jingialehkai semi-final ka India bad Australia hynrei ki la pynpaw ba ki pynlud hi da ka pisa lajong ha bai ticket ki bai holtel bad nadoh shadong ka jinglud ki pynlud hi na ka pisa la jong. Ymshem don kano kano ka jingshim kabu na ka sorkar.
U bah Himalaya M Shangpliang u la pynpaw ka jingkynnoh ba wat maki hi kiba kynthoh ruh kim tip thikna, kane ka jingkhynthoh jong ki ka khlem nongrim.
Haba jubab ia ka jingkylli u bah Hamletson Dohling u la ong ba ban kren ia ka kam personal hapoh ka Ingdorbar thaw aiñ ka long ka ba ymlah ban pdiang, ban shu kren ia ka ba shu mutdur, shu tharai ha ingdorbar thaw aiñ ka bym lah ban long, kane ka jingkynnoh ka long tang ban pynbudnam bad pynthoh bria ia ka kynteng jong ngi.
U bah Dohling u la ong ba hapoh ingdorbar dei ban iakren ia ki mat ba iadei ka im ka iap ka jaitbynriew bad u la ong ba kum kine ki jingkren ki dei ka jingkren kutlad tang namar bym don issues ban kren.
