Shillong, Jymmang 21: Kumba 4 ngut ki nongtuh ki la leit ban rung jubor ha kawei ka ATM jong ka State Bank of India (SBI) kaba don ha Mawkriah ha East Khasi Hills ha kaba kila ioh ban rong tuh haduh 28.13 lak ka pisa hadien ba ki la ot ia katei ka mashin.
Katkum ka kyrwoh ba la phah da u Superintendent of Police ka East Khasi Hilla District u Bah Vivek Syiem u la iathuh ba kane ka jingjia kala jia ha ka step phyrngap jong ka sngi Balang kumba ha ka por 3 baje mynstep bad kane ka rukom leh kine ki nongtuh ka paw ba kidei kiba nabar jong ka jylla
U Bah Vivek Syiem u la iathuh ba kane ka rukom ba la pyndonkam da ki nongtuh ha ka iasyriem bha bad ki jingtuh ATM ba la jia ha ki katto katne ki bynta jong ka Assam, kaba pyni ia ka jingiadei kaba lah ban don bynta lang hapdeng bad kane ka jingjia.
Ha ka jingtohkit kaba nyngkong ka pyni ba ki runar ki la pyndonkam da ka gas cutter ban pynpra ia ka ATM bad lyngba ki dur na ka CCTV ka pyni ia saw ngut ki briew kiba leh ia katei ka kam.
Halor kane ka jingjia, ki bor ba dei khmih ia kane k ATM, kila leit ban buh da ka jingujor ejahar ha Mawngap Police Station bad ruh la register case halor kane ka jingjia bad ka jingtohkit ka dang iaid ban lap bad ban kem ia ki nongleh kam sniew.
“Ngi dang pyrshang katba lah ban ithuh ia ki nongtuh” ong u Bah Vivek Syiem..
