Shillong, Lber 28: Ban pynsuk ia ki paidbah 
jong ka East Jiantia Hills District ka kynhun “Mission For Vision” bad ka “Vistex Foundation Bansara Eye Care Center” kila plie ia ka jaka sumar khmat ha Khliehrait ha East Jaintia Hills District.
Ia kane Foundation la seng ha u snem 2000 da ka jingthmu ban ai ka jingshakri ia ki paidbah kane ka jylla. Kane ka kynhum kam dei tang ba ka jingsumar hynrei ka leh ruh ia ka jingwad bniah ha kaba ia dei bad ka jingpang khmat bad ha ka juh ka por ban hikai ia ki briew kumno ba kin sumar ia lade.
Kumba ka long ha duh mynta na ka liang jong ka foundation kala lah ban pynlong 48 tylli ki jingai jingsumar khmat ha ki jaka bapher bapher bad ha ki 24 tylli ki skul, ha kaba 6000 ngut ki paidbah kila ioh jingmyntoi bad na kine 3600 ngut dei ki khynnah.
Kiba la ia don lang ha kane ka sngi plie ia kane ka jaka ai jingsumar khmat ha katei ka jaka la don lang u Additional District Commissioner u Bah .S.S. Syiemlieh, bad u District Medical & Health Officer – Dr. N.P. Suchiang ha kaba ka The Medical Director jong ka Bansara Eye Care Centre Dr. Jennifer Vaid Basaiawmoit kala kren pdiang burom.
Ha ka jingkren jong ka Dr Jennifer kala ai khublei ia ki heh sorkar bad ia ki trai shnong kiba la iarap ia ka foundation ban pynurlong ia kane ka jingthmu.
