Plie u Myntri ka sorkar pdeng ba dei khmih ia ka tnat kam pohiing iaka  kad Khaii ha Dawki

Shillong, Jymmang 04: U Myntri Khynnah ka tnat Kam Pohiing jong ka Sorkar Pdeng, u Nityanand Rai u la plié paidbah ia ka Kad Khaii ha Dawki mynta ka sngi ha ka jingiadon lang u Symbud Myntri ka Meghalaya, u Bah Sniawbhalang Dhar.

Kane ka Kad Khaii  kan pynkhlain ia ka jingiadei hapdeng ka India bad ka Bangladesh, la ong u Rai ha ka jingai jingkren jong u ha ka prokram ba la pynlong ha Dawki.

U la ong ba ka deiriti jong kine ar tylli ki ri ki iasyriemiwei ia iwei bad u la ong ba kine ar tylli ki ri ki don ka pateng kaba iasyriem bad lyngba ka jingiatreilang jong ka India, ka Bangladesh ka don ha ka lynti jong ka roi ka par.

U Myntri Rangbah Duh, u Narendra Modi u la trei borbah ban pynstet ia ka roi ka par ha ka thain shateilammihngi. Wat ha Meghalaya, lada ka dei ka deiriti, ka koit ka khiah, ka rukom im bad kiwei kiwei.

Ka Sorkar India ka la peit lutia baroh ki bynta. Ka la trei ban pynlong ia ka Meghalaya ka jylla kaba khlain,” la ong u Myntri Khynnah da kaba bynrap ba kane ka thain ka dei kaba kongsan ia ka Sorkar.

La khmih lynti ba kane ka Land Port kan kyntiew ia ki kam jngohkai bad ki kam khaii pateng jong ka Meghalaya bad ka ri. La tei ia ka da kaba peit ia ki jingdonkam jong ki ar tylli ki ri. Ka don ki jingdon jingem kiba bha, ki jingshakri kiba bun kum ki jaka buh mar, ka jaka bam.

Kane ka kynthup ia ka jaka na ka bynta ki tiar jong ki nongjngohkai bad ka electric substation, ha ryngkat kiwei kiwei. Ka jingthmu ka dei ban wanrah lang ia baroh ki kynhun bad kito kiba iadon bynta ha kine ki kam ha kawei ka jaka, la ong u Myntri Khynnah.

U Rai u la kren shaphang ka jingsngew shipara hapdeng ka India bad ka Bangladesh. “Katba dang iaid ka por ka jingiadei ka dang kham jan. Ka Dawki ka dei kaba la don ki lad ka leit ka wan kiba biang mynta. Kane kan iarap ha ka jingkyntiew ia ki kam ka koit ka khiah bad ka pule puthi ha ka rukom treikam gatishakti,” la ong u Myntri Khynnah.

U la iarohia ka jingitynnad ka Meghalaya, khamtam ka Dawki ha kaba u la ong, “Nga la iapbieit ia ka jingitynnad jong ka Dawki naduh ba nga la poi hangnehynnin ka sngi. Ka mariang, ki lum, ki dieng bad kat shabangaphai, ngaiohi tang ia ka jingitynnad. Katno ka jingitynnad! Nga nguh ia phi.”

Ka Dawki Land Port ka dei ka projek kaba kongsan jong ka Sorkar India kaba thmu ban kyntiew ia ki kam khaii hapdeng ka India bad Bangladesh. Ka don ha ka West Jantia Hills jong ka Meghalaya, 55 km na ka nongbah jong ka district kaba long ka Jowai, bad kumba 84 km na Shillong. Ka Land Port ha Bangladesh kaba iadei bad kane ka dei ha Tamabil, kaba don hadistrikSylhet.

Ka Land Port Dawki ka long ka jaka Pdeng jong ki kam khaii bad ka leit ka wan hapdeng ka India bad Bangladesh kaba plié lad ia ka jingkit mar bad ka leit ka wan jong ki briew, ki kali na shilang sha shiliang u pud u sam jong kine ki ri. Ka plié lad ruh ia ka jingleitjingwan jong ki briew na kawei ka liang sha kawei ka liang.

Ia ka jingkyntiew ia ka Land Port Dawki la ai jingmynjur da ka High Level Empowered Committee (HLEC) jong ka tnat Kam Pohiing ha ka 4 tarik u Rymphang 2016. Ka Land Port ka don ha ka jaka kaba 23.0 acre. Ka jinglut jingsep (bai jaka bad bai shna bai tei) jong ka Land Port ka long T.83.38 klur. Ka jinglut jingsep baroh ka kynthup ia kumba T.9 klur kum ka bai jaka bad T.74.38 klur kum ka bai tei bai shna.

Ban pynbiang ia ka jingdonkam na ka bynta ka jingkit ia ki mar bad ka leit ka wan, la saindur ia ki jingdon jingem bad ki jingai jingshakri ha kane ka Land Port. Kine ki kynthup ia ka building na ka bynta ki nongleitnongwan, ka building na ka bynta ki mar.

Ka jaka buh mar, ki jaka leit shabar na ka bynta ki nongniah kali shalan mar, ka jaka bam ha kaba don ruh ki jaka saitkhmat, ka jaka rung bad  jaka mih ia kali kiba kit briew bad kiba kit mar, ka, Electric Sub-station, ka Rummaging shed, ka pump house, ka jaka pynkhuid ia ki jabohjabain bad ka jaka buh um.

Ha kane ka sngi la iadon lang duh u High Commissioner jong ka India sha Bangladesh, u Pranay Kumar Verma, u Chairman Land Port Authority Bangladesh MohdAlamgir, Chairman LPAI u Aditya Mishra bad kiwei kiwei ki heh ki hain na ka Sorkar Meghalaya.

Ha kine ki ar sngi ba u don ha ka jylla, u Myntri Khynnah u la leit ruh sha ka Meghalaya Frontier BSF bad u la iakren bad ki field commander bad ki shipai. U  Pradip Kumar, IPS, IG jong ka BSF Meghalaya u la batai ia u Myntri Khynnah shaphang ka jaka ba peit ka BSF ha kane ka thain.

U la iakren shaphang ki jingeh ba shem ha ki jaka khappud hapdeng ka India bad Bangladesh bad ki sienjam ba la shim ban tehlakam ia ki kam beain na kawei sha kawei ka liang jong u pud u sam. U Myntri Khynnah u la ai jingiarohia ki jingpyrshang, ka jingshlur bad ka jingtrei shitom jong ki shipai BSF ban iada ia ki jaka khappud.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet