Las Vegas, USA, Naitung 19: U samla Kitkupar Nongsiej ba na ka jylla Meghalaya u la jam sha ka semi final ha ka rynsan iakop rwai jong ka WCOPA 2026, kaba dang iaid shakhmat mynta ha ka nongbah Las Vegas, Nevada, USA.
Une u samla uba la mihkhmat na ka ri India, u la jop iaka preliminary round hadien ba u la lah ban leh bha bad mynta un hap iakhun pyrshah iaki nongrwai ba tbit na kiwei pat ki ri.
U samla Kitkupar uba dei na ka shnong Kynshi Eastern West Khasi Hills district u la poi sha kane ka rynsan iakop rwai hadien ba u la jop iaka nam lahduh ha ka sur kynud samoi ba 3 ba la pynlong da ka Don Bosco Media network bad long ruh u lahduh ha ka sur kynud niam samoi ba 2, ha kaba u la iohpdiang iaka song pisa haduh T. 1 lak bad u la wanrah iaka burom ym tang iaka jylla Meghalaya hynrei ka ri India baroh kawei.
Hadien ba u la paw kum u lahduh ha ka jingiakop rwai jong ka Sur Kynud Niam Season 2, u la pyniasoh ialade bad ka kynhun rwai ba pawnam, ka Shillong Chamber Choir. U la dep rwai ha ki jingrwai tynrai jong ka Khasi, kaba la deo pyni ha Doordarshan Meghalaya.
U samla Kitkupar u la long u lahduh na ka kynhun India hadien ba u la dep interview ialade na ka bynta ka WCOPA—kaba la tip kum ka “Olympics of Performing Arts.”
Kane ka rynsan ka dei kaba iashim bynta da ki nongrwai, nongshad, nongtem, tyngshop bad ki puron bad ki nongak drama bad don palat 60 tylli ri kiba iashim bynta bad ka dei kawei na ki rynsan ba la pawnam bha na ka bynta ki nongiashim bynta ba tbit kiba paw.
Hashwa ba un leit sha United States, ka Don Bosco Youth Centre (DBYC), Laitumkhrah, ha ka jingiatreilang bad ka Don Bosco Media Network, kila pynlong iaka jingduwai bad rakhe iaka jingleit jong u, ha kaba ki nongialam niam, nongialam, bahaiing ha sem jong u bad ki nongkit bok ki rwiang kila ia lum lang ban kit bok kit rwiang ia une u samla katba u dang leit ha katei ka rynsan.
