Shillon
g, Naitung 15: Ka Khasi Students’ Union (KSU) North Khasi Hills District Unit lyngba ka Organising Committee, hapoh ka jingialam jong u Samla Jester Nongbet, u Organising Secretary ka KSU NKHD, ki la pynap shrip bad ioh kurup ïa u droks ryngkat lah ioh ban bat ïa ka kali private ba pyndonkam da ki number plate thok mynta ka step phyrngap ha Umsning.
Kat kum ka khubor ba la iohlum, ka seng ka la ioh ïa ka jingtip ïa ka khubor ba tikna kaba iadei bad ka jingdon ka kali private kaba mut shalan ïa u droks . Kine ki nongshalan droks ki la leh thok da kaba buh ïa ki number plate nongwei ne ki number plate ba bakla halor ka kali jong ki.
Ha kane ka kam sniew, Ka Seng ka la lap ba don ka jingiasylla hapdeng ki briew ba nabar jylla ryngkat bad ki katto katne ki samla Khasi kiba long ki nongkit bad nongsupply ïa kine ki jingdih pynbuaid hapoh ka jylla jong ngi.
Hadien ba la pynap shrip kham slem da ki dkhot ka KSU NKHD, la ioh ban bat ïa kine ki kali bad ki briew kiba donkti ha kane ka kynhun shalan droks. Ka Seng ka La kynnoh ba kine ki briew ki pynlong ïa ka thain Umsning bad Ri-Bhoi hi baroh kawei kum ka lynti ban pynpoi ïa ki droks sha kiwei pat ki jaka.
Na ka liang ka Seng hadien ba lah ioh bat bad tohkit ïa ki, ka la aiti noh ïa kine baroh sha ki Pulit Ka Umsning Police Station bad ka Seng ka la kyntu jur ïa ki bor ka aiñ ban nym map ïa kiba kum kine ki briew kiba pynduh jaid ïa ka imlang sahlang bad ki samla ka thaiñ.
