Shillong, Jymmang 7: Mynta ka sngi u National President ka National People’s Party u Conrad K.Sangma u ba dei ruh u myntri rangbah ka jylla u la pdiang burom ia u Dr. D.Rockyer Lyngdoh Nonglait sha ka party ha ka jingiadon lang u State President u bah Prestone Tynsong bad kiwei kiwei ki nongialam ka party.
Ka jingpdiang ia u Dr. Nonglait sha ka party la pdiang ha ka jingialang ka party kaba la long mynta ka sngi ha State Central Library Shillong ha kaba u National President u la pynbna ba kum ka party ka don ka jingshaniah kaba skhem ha u ban long u kyrtong MP ha kane ka elekshon shiteng samoi sha Lok Sabha.
Ha kane ka sngi u myntri rangbah u pan ka jingkyrshan na ki paidbah jong ka 1- Shillong (ST) Parliamentary Constituency ba kin ai ka jingkyrshan ba un ioh ban ai ka jingshakri na ka bynta ki paidbah ka jylla, kum u briew u la noh shibun u synniang u bynhei ha ka pule puthi bad kiwei kiwei ki kam.
Ha kane ka sngi la pynbna ba u Dr. Nonglait un long u kyrtong MP ka party ha kane ka elekshon shiteng samoi bad u don ka jingkyrmen skhem ba kin poi sha ka thong jong ka jingjop ha kane ka elekshon shiteng samoi sha Lok Sabha kaba ka Election Commission kan sa dang pynbna.
Ha kane ka sngi ki nongkitkam jong ka party na baroh ki konstitwensi kila ia poi ha kane ka jingialang paidbah jong ka party bad kum ka party kila trei shitom ban pyntikna ba kin poi sha ka thong jong ka jingjop ha kane ka elekshon shiteng samoi.
