Shillong, Nailar 08: Ka ing kashari ka Meghalaya High Court mynta ka sngi ka 8 traik u Nailar 2024 ka la shong ban bisha ia ka jingmudi ka ba la ujor da ka society ka ba la ithuh kum ka Yatra bad ha kane ka sngi la lah ban iohi halor ka jingwanmih jong ka Dorbar shnong Mawsynram.
Ia ka Dorbar Shnong Mawsynram la mih khmatda u V G Kynta u nongiasaid ba pawkhmat ka Jylla u ba iasaid hop ka Meghalaya High Court u ba la pyntip ba u nong bishar ka High court u la bthah ia ka dorbar shnong ba kan shongpyrkhat shwa ban shim ia ka rai.
Kane ka jingpyntip u bah Kynta ka long ha dien ka jingsngap bishar ka iing kashari ha ka 8 tarik u Nailar 2024 ia ka mukot duma pyrshah ia ka sorkat Jylla da ka Yatra halor ka jinbym ailad ne ai no objection certificate (NOC) da ka Dorbarshnong ban pynlong ia jingleh Niam ha Krem Mawjymbuin Mawsynram.
Ka Meghalaya High Court ha ka 7 tarik u Nailar 2024 ka la pynmih hukum ban khot hajir ia ka Deputy Commissioner bad ia u S P ka East khasi Hills ba kin wan mih mynta ka sngi ban jubab hlor katei ka phang.
Ka Yatra ka society ka ba thmu pynlong ia ka jingleh Niam ba manla u snem kata ha ka 10 bad 11 tarik u Nailar 2024 ka la mudui ha khmat ka iing kashari namar ka jingbym ioh jongka ia ka NOC na ki ba ka la mudi pyrshah.
Ha ka jingiakren bad ki nongthoh khubor na ka liang u bah VG Kynta u la ong ba ka kam ka dangsah ha ka Iing bishar bad um pat lah ban batai lut ia ki jingiatai ha Iing Kashari hynrei ka dorbar shnong Mawsynram kan hap ban shim ia ka rai da ka ba shim jingmut lang na ki ba ia donbynta baroh.
U la ong ruh ba u Nongbisha u la bret ia kane ka bynta ha ka Dorbar shnong ban bishar bha ia kane ka kam namar ba kane ka jaka ka dei ka Tourist Spot. Ia ka jingbishar ia kane ka mutkotduma la buh tarik ban bishar biang ha ka 14/Nailar/2024.
