Pynpra ka KHBBA ba ai shna dukan ka Shillong Municipal Board ha Iewmawlong

Shillong, Nailur 19: Mynta ka sngi ka seng Khasi Hills Bazaar Bus Association (KHBBA) Mawlonghat  kala pynra ia ka jingtei ia ka dukan ha Parking Lot ha Mawlonghat ia kaba la ai jingbit da ka Shillong Municipal Board ia ki riew shimet wat hapdeng ka jingkhapngiah katei ka jaka.

U Bah Wanboklang Kharsati general secretary jong ka KHBBA haba kren ha ki lat pathai khubor ha dien ba kila beh ia ki nongtrei bad pyndon ia kane ka jingtrei tei dukan la iathuh ba kila dep ban ujor sha u Chief Executive Officer jong ka SMB naduh u snem ba la dep bad ha dien ka jingujor la pynsangeh ia ka jingtrei.

Hynrei mynta u snem la wan biang ban sdang ia ka jingtrei ban tih thiew ban pynieng paia ha katei ka jaka kaba long ha khmat jong ka Parking Lot ka jaka kaba khap ngiah haduh katta katta, la ong ba kumno ka SMB ka ai jingbit ban tei dukan ha kane ka jaka wat hapdeng kane ka jingkhap ngiah.

Kum ka seng kaba pynieng ia ki Bus ha kane ka jaka ki pyrshah bad kin nym ai lad ba kane ka dukan kan ieng ha kane ka jaka ka sorkar kala dei ban peit haduh katne ka jingkhapngiah ki dang mut ban tei sa ia ka dukan ha kane ka jaka Parking Lot, ha ka jingshisha ka sorkar ka la dei ban pynbun ki jaka ieng kali wat ia kane ka jaka iing kali ruh mynta ki mut ban shim noh.

La iathuh ba na ka liang jong ka Deputy Commissioner kala khot ia kren ia ka seng la sngi nyngkong halor kane bad ka seng kan leit ban ia kynduh ia ka DC bad ka jingkwah ka jingki ka long bad a lei lei ymd ei ban shah ban tei dukan ha kane ka jaka kaba khapngiah.

U bah Offerland Jyrwa president ka seng u la ong ba lada ka sorkar kam pynsangeh ia kane ka jingshna dukan ha kane ka jaka ba khapngiah kaba dei ka jaka ieng kali na ka liang jong ka seng kam ban se ban leit tied ia ka jingkhang jogn ka iing bishar ban ioh ia ka rai halor kane.

Ha kane ka sngi baroh ki nongniah kali kiba dei jong ki Bus kila ia don ha kane ka jaka bad kila pyndam noh da ki maw ia ki thliew paia kiba la tih ha katei ka jaka da ki nongtrei ha dien ba kila ong ba ki dei ban sangeh noh ia ka jingtrei.

What Next?

Recent Articles

Leave a Reply

Submit Comment

*

Where to buy Vidalista Professional 20 Mg (Tadalafil) tablet