Shillong, Jymmang 15: Ka United Democratic Party (UDP) ka la pyn paw ia ka jing sngewsih bad pyn rem ia ka jingshah pyn iap dusmon jong ki lai ngut ki Pastor, u Rev. Vumthang Sitlhou, TBAI President, Rev. Kaigoulun Lhouvum, TBAI Finance Secretary bad u Pastor Paogoulen Sitlhou ha Manipur.
Kane ka jingleh bymman kam dei tang ka jing thombor ia ka jingim jong kiba lui lui jong u Blei, hynrei ka long ruh kum ka jing bym don shuh ka jingiatip lem, ka jingngeit balang bad ka nongrim tynrai ka riti synshar or ki aiñ tynrai ka Ri India. Ki Pastor kiba la shakri ia ka shnong ka thaw da ka jing suk, jingisnei bad ka jingaiti lut kim dei ban ngat ha kum kane ka jait jingshah thombor.
Kum ka party ka pynrem ia kane ka jingleh bymman bad khawpud. Yn nym don kano kano ka jing pyn beit ha kaba iadei bad ka kam sain pyrthei, akor lane ka niam ia kito kiba pyniap dusmon ia ki nongialam riewngeit bakhuid.
La UDP ka dawa ia ka jing shim khia kaba mar mar na ka sorkar Manipur bad ka sorkar pdeng ba kan kem ia kita ki nongpyn iap briew bad pyn ngat ha ka ain da kaba tyngeh bad ka hok kaba stet.
Ka hukum jong ka ain ka dei ban long kaba jop halor ka jingbym beh ain. Ngi ieng lang hangne bad ki bahaiing ha sem jong kine ki Pastor ba lah khlad noh, ka iingmane ha
Manipur bad ka imlang ka sahlang jong ka balang khristan ha kylleng kane ka thain lam mihngi. Ka pynpaw lem ia ka jingsngew sih bad duwai na ka bynta ban ioh jingsuk bad jingkhlain ha kum kane ka por.
Ngi kyrpad ia ka jingsuk bad jingpyniaid na baroh ka imlang ka sahlang jong ka jylla Manipur. Ka jingiaumsnam kan lam shuh shuh sha ka jingiaumsnam. Kane dei ban pynduh noh bad kyntu ia ka imlang ka sahlang bad ki paidbah, ki met balang bad ki nongialam ia ka imlang ka sahlang ba kin iatreilang na ka bynta ban ioh ka jing shaniah bad jingsuk. Ngi kyrpad ia ka National Human Rights
Commission for Minorities ba kan shim khia ia kane ka jingjia ba sngewsih bad ai ka jingiada ia ki kynhun niam rit bad ki rangbah niam ha ki jaka ialeh.
Kane ka thain shatei lam mihngi ka la long ka jaka jong ka jingngeit bakhuid bad kaba shong suk shong sain. The Northeast has always been a land of diverse faith living n harmony. Ki jingpyrshang ban pynjyrngam ia ngi da ka snam bad ka jingsheptieng, dei ban pynrem da ka jingkular lang jong ngi ia ka suk, ka hok bad ka jingiasngewshibun.
Ka party UDP ka la kyntu ia ka sorkar pdeng ba kan leh ia kane ka kam da ka jingkyrkieh kaba dei hok. Ka jingbishar kaba kynjah kaba la pynslem, ka long ka jingkynjah kaba la kyntait.
To ai ba ka mynsiem jong kine ki Pastor kiba la ieh noh ia kane ka pyrthei kin leit suk. Wat sngewtyngkai ia ka jingkynad jongki, hynrei to ka kin long ka jingkhot sha ka jingsuk ba nehskhem ha Manipur.
